Kareena Kapoor's Diwali: सध्या सर्वत्र दिवाळी हा सण मोठ्या उत्साहात साजरा करण्यात येत आहे. सर्व सामान्यापासून तर कलाकारांपर्यंत सर्वच आपआपल्या परिने या सणाचा आनंद घेत आहे. बॉलिवूड सेलिब्रिटींच्या घरीही दिवाळी पार्टी सुरु आहे. अनेक कलाकार आपल्या चाहत्यांना दिवाळीच्या शुभेच्छा देत फोटो शेयर करत आहेत.

त्यातच आता करिना कपुर देखील पती सैफ अली खान आणि आपल्या लाडक्या लेकांसोबत दिवाळी सणाचा आनंद घेत आहे. सध्या बेबोच्या घरातही दिवाळीचा उत्साह पहायला मिळत आहे.

करिनानं सोशल मिडियावर या सेलिब्रेशनचे काही फोटो शेयर केले आहे. ज्यात करिना तिच्या घरी मुलांसोबत दिवाळीची रांगोळी काढण्याची व्यस्त आहे. यावेळी जेह आणि तैमूर देखील आपल्या आईला मदत करत आहेत.

करीनाने इंस्टाग्राम हे फोटो शेअर केले आहेत. ज्यात जेहने रांगोळी काढताना सर्वत्र रंग जमीनीवर पसरवले आहेत आणि तोही रंगाने भरलेला दिसत आहे.

हे फनी फोटो शेयर करत बेबोनं एक मजेदार कॅप्शन देखील शेअर केले आहे. ज्यात तिने लिहिले की, "अय्यो, जेव्हा कुटुंबाला रांगोळी काढायची असेल… किंवा होळी खेळायची असेल , काही कल्पना नाही…पण महत्त्वाचं म्हणजे आम्ही मजा केली... उत्सव सुरू झाला आहे.. सर्वांना प्रेम.."

सध्या हे फोटो सोशल मिडियावर व्हायरल होत आहे. नेटकरी या फोटोंना पाहिल्यानंतर खुप हसत आहे. बेबोच्या पोस्टवर चाहते कमेंटचा वर्षाव करत आहेत. चाहत्यांनी तिला दिवाळीच्या शुभेच्छा दिल्या आहेत.

करिना कपुरच्या वर्कफ्रंटबद्दल बोलायचं झालं तर ती नेटफ्लिक्सच्या 'जाने जान' मध्ये दिसली होती. गेल्या महिन्याच्या सुरुवातीला बीएफआय लंडन फिल्म फेस्टिव्हलमध्ये तिच्या द बकिंगहॅम मर्डर्सचा प्रीमियरही झाला. आता ती रोहित शेट्टीच्या सिंघम अगेनमध्ये चित्रपटात दिसणार आहे.