Karishma Kapoor: बॉलीवूडमधील प्रसिद्ध अभिनेत्री करिश्मा कपूर ही तिच्या अभिनयाबरोबरच वेगवेगळ्या कारणांसाठी चर्चेत राहिलेली आहे. 90 च्या दशकांत या अभिनेत्रीनं आपल्या अभिनयानं प्रेक्षकांचे लक्ष वेधून घेतलं होतं.

आजही तिचे चित्रपट चाहते विसरू शकले नाहीत. सध्या ती मनोरंजन क्षेत्रात कार्यरत नसली तरी तिचा मोठा चाहतावर्ग आहे. करिश्माच्या करियर विषयी जेवढी चर्चा झाली, त्याहीपेक्षा चर्चा रंगली ती तिच्या वैयक्तिक आयुष्याची..

करिश्मा कपूर सध्या विभक्त साली असून तिने 2016 मध्येच घटस्फोट घेतला आहे. त्यावेळी तिने नवऱ्यावर अनेक आरोप केले ज्याची मोठी चर्चा झाली. पण तीच करिश्मा आता पहिल्या नवऱ्यासोबत फिरताना दिसली. त्यामुळे नेटकऱ्यांनी तिला चांगलेच धारेवर धरले आहे.

(Karisma Kapoor spotted with former husband Sunjay Kapur fans trolls actress )

करिश्मा कपूरने २००३ मध्ये उद्योगपती संजय कपूरसोबत लग्न केले. जवळपास 13 वर्षे त्यांचे नाते टिकले पण नंतर त्यांचे संबंध हळूहळू बिघडू लागले. त्यांच्यात वाद, भांडणं यामुळे मोठी दरी निर्माण झाली.

त्यावेळी करिश्मा कपूरने संजय कपूरवर मारहाण केल्याचाही आरोप केला होता आणि मग २०१६ मध्ये घटस्फोट घेत ते दोघेही विभक्त झाले. पण नुकतीच ती पुन्हा एकदा आपल्या पहिल्या पतीसोबत म्हणजेच संजय कपूरसोबत डिनर डेटवर गेलेली दिसली. त्यांचा व्हिडिओ इंटरनेटवर व्हायरल झाला आणि करिश्मावर टीका होऊ लागली.

करिश्मा कपूर आणि संजय कपूर शनिवारी रात्री मुंबईतील एका रेस्टॉरंटमध्ये दिसले यावेळी पापाराझींनी त्यांचा व्हिडिओ काढला आणि शेयर केला. आता हा व्हिडिओ चांगलाच व्हायरल होत आहे.

आता करिश्मा कपूरवर नेटकऱ्यांनी चांगलेच तोंडसुख घेतले आहे. तिच्या या व्हिडिओवर कमेंटचा अक्षरशः पाऊस पडत आहे. 'घटस्फोट झाला आहे तर मग पुन्हा का भेटते याला' अशी एकाने कमेंट केली आहे. तर 'ज्याच्यावर आरोप केले त्यालाच पुन्हा भेटायला गेली' असेही काहींनी म्हंटले आहे. तर काहींनी करिश्माला तिने तिच्या पतीवर लावलेल्या आरोपांची आठवण करून दिली आहे.