Kartik Aaryan Awarded in Australia - प्यार का पंचनामापासून कार्तिक आर्यनची झालेली सुरुवात आता त्याला यशाच्या शिखरावर घेऊन गेली आहे. तो एक तारांकित अभिनेता झाला आहे. त्याच्या शब्दाला वजन आले आहे. प्रख्यात सेलिब्रेटी झाला आहे. सोशल मीडियावर त्याचा मोठा चाहतावर्ग आहे. त्याला फॉलो करणाऱ्यांची संख्याही मोठी आहे. अशा कार्तिकच्या शिरपेचात आणखी एक मानाचा तुरा खोवला गेला आहे.

काही दिवसांपूर्वी कार्तिक आर्यन आणि कियारा अडवाणी यांचा सत्य प्रेम की कथा नावाचा चित्रपट प्रदर्शित झाला होता. समीर विद्वंवस दिग्दर्शित या चित्रपटानं चांगली कमाई केली आहे. त्याला प्रेक्षकांचा मोठा प्रतिसादही मिळाला आहे. बॉक्स ऑफिसवर या चित्रपटानं शंभर कोटींपेक्षा जास्त कमाई केल्याची आकडेवारी समोर आली आहे. यानंतर येत्या काळात कार्तिकचे मोठे प्रोजेक्ट चाहत्यांचे लक्ष वेधून घेणार आहे.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

कार्तिकनं गेल्या वर्षांपासून त्याचा फॉरमॅट चेंज केल्याचे दिसून येत आहे. तो आता विनोदी आणि हलक्या फुलक्या विषयांवरील चित्रपटांकडे जास्त लक्ष केंद्रित करत असल्याचे दिसून आले आहे. कार्तिकच्या चित्रपटांचा चाहतावर्ग वेगळा आहे. त्यामुळे नव्या विषयाच्या चित्रपटांना प्रेक्षकांसमोर घेऊन येणाऱ्या कार्तिकच्या कलाकृतींना मोठी दाद मिळताना दिसते. आता कार्तिकच्या चाहत्यांसाठी एक गोड बातमी आहे. ती म्हणजे कार्तिकचा जागतिक पातळीवर होणारा गौरव.

फिल्म इंडस्ट्रीमध्ये त्यानं दिलेल्या महत्वपूर्ण योगदानासाठी त्याला मेलबर्नमधील इंडियन फिल्म फेस्टिव्हल मध्ये गौरविण्यात येणार आहे.आयएफएफएम कडून हा गौरव होणार असल्याची माहिती सुत्रांकडून देण्यात आली आहे. बॉलीवूडमधील सध्याच्या घडीला लिस्ट ए मधील कलाकारांमध्ये कार्तिक आर्यनचे नाव घेतले जाते. कार्तिकला आता रायझिंग ग्लोबल सुपरायझर स्टार ऑफ इंडियन सिनेमा या पुरस्कारानं गौरविण्यात येणार आहे.

व्हिक्टोरिया सरकारकडून पुढील महिन्यात अकरा तारखेला या पुरस्काराचे वितरण केले जाणार आहे. बॉलीवूडपटांचे प्रसिद्ध समीक्षक तरण आदर्श यांनी ट्विटद्वारे ही गोड बातमी चाहत्यांना दिली आहे. त्या पोस्टला नेटकऱ्यांचा मोठा प्रतिसाद मिळतो आहे.