Karwa Chauth 2022: देशात सध्या सगळीकडे करवा चौथ मोठ्या उत्साहात साजरा केला जातोय. देशाच्या वेगवेगळ्या राज्यांमध्ये हा सण तितक्याच निराळ्या पद्धतीनं साजरा होत असतो. भारतीय क्रिकेट संघातही करवा चौथचा फिव्हर दिसून आला आहे. आगामी टी 20 वर्ल्ड कपसाठी भारतीय संघ ऑस्ट्रेलियात आहे. यासगळ्यात प्रसिद्ध भारतीय गोलंदाज युजवेंद्र चहलचा करवा चौथ सोशल मीडियावर त्याच्या चाहत्यांचे लक्ष वेधून घेताना दिसत आहे. त्याची पत्नी धनश्री वर्मानं शेयर केलेल्या त्या व्हिडिओला नेटकऱ्यांचा मोठा प्रतिसाद मिळतो आहे.

आता सगळं काही डिजिटल होत असताना सण- उत्सव देखील त्या डिजीटल माध्यमातून साजरे होताना दिसतात. करवा चौथही त्याला अपवाद नाही. धनश्रीनं साता समुद्रापार असलेल्या युजवेंद्रला व्हिडिओ कॉल करुन करवा चौथच्या शुभेच्छा दिल्या आहेत. तो व्हिडिओ मोठ्या प्रमाणावर सोशल मीडियावर व्हायरल झाला असून त्यावर नेटकऱ्यांनी दिलेल्या प्रतिक्रिया भन्नाट आहेत. धनश्रीनं व्हिडिओ कॉलच्या माध्यमातून युजचा चेहरा पाहून आपण उपवास सोडत असल्याचे सांगितले आहे.

धनश्री ही एक युट्युबर आणि कोरिओग्राफर आहे. तिनं तो व्हिडिओ शेयर करताना त्याच्या कॅप्शनमध्ये लिहिलं आहे की, भारत आणि ऑस्ट्रेलियावाला करवा चौथ असं नाव तिनं दिलं आहे. यापूर्वी युजनं पत्नीसाठी करवा चौथच्या शुभेच्छा देणारी एक पोस्ट शेयर केली होती. त्यात त्यानं लिहिलं होतं की, हॅप्पी करवा चौथ, धनश्री तुला या सणाच्या खूप साऱ्या शुभेच्छा. याशिवाय यावेळी युजनं दिलेलं फ्लाईंग किस हे त्याच्या चाहत्यांच्या विशेष चर्चेचा विषय होता.

2020 मध्ये युजवेंद्र आणि धनश्री वर्माचं लग्न झालं. धनश्री ही डॉक्टर आहे. मात्र तिची आवड कोरिओग्राफी असल्यानं तिनं सोशल मीडियावर युट्युब चॅनल सुरु केलं आहे. ज्याला चाहत्यांचा मोठा प्रतिसाद मिळत असल्याचे दिसून आले आहे.