Kaushiki Chakraborty comment on Rishabh Pant advertisement: कौशिकी चक्रवर्ती हे भारतीय शास्त्रीय संगीतातलं मोठं नावं.त्यांच्या गायकीचे केवळ भारतातच नाहीतर जगभरामध्ये मोठ्या संख्येनं चाहते आहेत. आता त्या वेगळ्या कारणासाठी चर्चेत आल्या आहेत. त्यांनी भारतीय क्रिकेट संघाचा यष्टीरक्षक ऋषभ पंतवर आगपाखड केली आहे.

वास्तविक ऋषभ पंतवर टीका करण्याचे कारण ती एक जाहिरात आहे. त्यामध्ये त्यानं आपण जर किक्रेटर झालो नसतो तर काय झालो असतो याविषयी वक्तव्य केलं आहे. त्यात तो एका गायकाच्या भूमिकेतही दाखवला आहे. बऱ्याच दिवसांपासून ही जाहिरात टेलिव्हिजन आणि सोशल मीडियावर व्हायरल होताना दिसते आहे. आता त्याकडे कौशिकी चक्रवर्ती यांचे लक्ष गेले आहे. त्यांनी ऋषभवर टीका केली आहे.

हेही वाचा- Digital Rupee India : देशाचे नवे पर्यायी चलन ‘डिजिटल रुपी’

कौशिकी यांचे ते व्टिट सोशल मीडियावर व्हायरल झाले असून त्याला नेटकऱ्यांचा मोठा प्रतिसाद मिळताना दिसतो आहे. मी जेव्हा ती जाहिरात पाहिली तेव्हा खूपच अस्वस्थ झाले. माझ्याकडे त्याविषयी बोलायला शब्दच नाही. आपण आपल्या महान परंपरा लाभलेल्या संस्कृतीचा अपमान कशाप्रकारे करु शकतो. त्या जाहिरातीमध्ये खूपच ओंगळवाण्या पद्धतीनं आपल्या शास्त्रीय संगीताचा अपमान करण्यात आला आहे. हे असं करणं म्हणजे आपण किती मुर्ख आहोत हे दाखवून देतो आहे.

कौशिकी यांच्या त्या व्टिटनं नेटकऱ्यांचे लक्ष वेधले गेले आहे. त्या जाहिरातीमध्ये जे संगीत वापरण्यात आले आहे ते पंडित रवी शंकर यांचे आहे. त्यात उस्ताद झाकीर हुसैन, पंडित भीमसेन जोशी यांचाही वाटा आहे. कुणाचे सूर, ताल आणि लय त्यात आहे. तेव्हा आपण अशाप्रकारे जाहिरात करुन काय साध्य करतो आहोत असा प्रश्नही कौशिकी यांनी विचारला आहे.