KBC Latest Episod News ‘कौन बनेगा करोडपती’ (KBC) या लोकप्रिय क्विझ शोने रविवारी धमाका केला. १४ व्या हंगामाच्या आगामी एपिसोडमध्ये ‘धन अमृत’चे दार उघडणार आहे. म्हणजे पहिल्यांदाच ७५ लाखांचा प्रश्न दोन स्पर्धकांसमोर असेल. या प्रश्नाचे अचूक उत्तर दिल्यास ते ७५ लाख जिंकतील. तसेच उत्तर चुकीचे निघाले तर ते थेट ३ लाख २० हजारांवर पोहोचतील.

दोन स्पर्धकांचा प्रवास दाखवणारे शोचे नवीन प्रोमो (KBC) समोर आले आहे. एक स्पर्धक प्राध्यापक धुलीचंद अग्रवाल तर दुसरे सॉफ्टवेअर अभियंता श्रुती डागा आहे. महत्त्वाचे म्हणजे दोघेही पहिल्याच एपिसोडमध्ये १५ व्या प्रश्नापर्यंत पोहोचले आहेत. ते अमृत संपत्तीचे (धन अमृत) दार उघडणार आहेत. खेळाच्या या टप्प्यावर हे दोन स्पर्धक योग्य उत्तर देऊ शकतील का? यासाठी अजून काही तास वाट पाहावी लागणार आहे.

स्पर्धक धुलीचंद अग्रवाल हे क्विझ शोमध्ये येण्यासाठी बराच वेळ वाट पाहत होते. केबीसीच्या मंचावर येण्यासाठी त्यांनी २१ वर्ष साधना केली. ते कधीही केबीसी खेळले नाही पण जगले आहे. केबीसी शो प्रती अशी आवड पाहून अमिताभ बच्चन (Amitabh Bachchan) हेही प्रभावित झाले.

धुलीचंद यांनी आपल्या ती लाइफ लाइन गमावून ५० लाख जिंकले आहे. आता ते अमृत संपत्तीच्या पंधराव्या प्रश्नापर्यंत पोहोचले आहे. दुसरी स्पर्धक श्रुती डागा १५ व्या प्रश्नापर्यंत पोहोचली आहे. तिने तिच्या कुटुंबाला डिस्क्लेमर दिला आहे. उत्तर चुकले तरी काही फरक पडणार नाही. सगळं व्यवस्थित होईल, असे तिने सांगितले.

आगामी एपिसोडच्या या प्रोमोजनी चाहत्यांची उत्सुकता वाढवली आहे. पहिल्याच भागात अप्रतिम साहस पाहायला मिळणार आहे. रविवारी या शोचा प्रीमियर झाला. सुपरस्टार अमीर खान लॉन्च एपिसोडमध्ये पाहुणा म्हणून आला होता. शोमध्ये अमीर आणि बिग बी यांनी प्रश्नोत्तराच्या दरम्यान अनेक मजेशीर गोष्टीही केल्या.