Kedar Shinde News: बाईपण भारी देवा बॉक्स ऑफिसवर सुपरहिट झाला. केदार शिंदेंनी दिग्दर्शक म्हणून बाईपण भारी देवा सिनेमाचं यश साजरं केलं. केदार शिंदेंचे 2023 मध्ये महाराष्ट्र शाहीर आणि बाईपण भारी देवा असे दोन सिनेमे प्रदर्शित झाले. त्यापैकी बाईपण भारी देवा सिनेमाने रेकॉर्डब्रेक कामगिरी केली. पण भाईपण भारी देवाचे दिग्दर्शक केदार शिदेंनी मात्र महत्वाचा निर्णय घेतलाय, त्याची सगळीकडे चर्चा होतेय.

(kedar shinde important decision after baipan bhaari deva successful)

केदार शिंदेंनी सोशल मीडियावरून ब्रेक घेतल्याचा निर्णय घेतलाय. त्यांनी इंस्टाग्राम स्टोरीवर एक पोस्ट लिहून याविषयी माहिती दिली आहे. केदार शिंदे लिहितात.. "या instagram वरून तुमचं प्रेम आजपर्यंत मिळालं. पण खरं सांगू? कुठेतरी थांबायला हवं.. नव्या विचारांसाठी.. bye for now अशी पोस्ट केदार शिंदेंनी इंस्टाग्राम वरून तात्पुरता ब्रेक घेणार असल्याचं जाहीर केलं. केदार शिंदे अलीकडच्या काळात इंस्टाग्राम वर चांगलेच सक्रिय होते. बाईपण भारी देवा सिनेमाबद्दल ते विविध पोस्ट करत होते. पण त्यांनी अचानक ब्रेक घेतल्याने त्यांचे चाहते नक्कीच निराश झाले असतील.

केदार शिंदेंनी 2023 मध्य बाईपण भारी देवा आणि महाराष्ट्र शाहीर हे दोन सिनेमे प्रेक्षकांच्या भेटीला आणले. त्यापैकी महाराष्ट्र शाहीरला अपेक्षेपेक्षा कमी यश मिळालं. पण महाराष्ट्र शाहीरच्या माध्यमातून केदार शिदेंनी त्यांचे आजोबा शाहीर साबळेंची जीवनकहाणी पडद्यावर आणली याच त्यांना समाधान आहे.