Maharashtra Shaheer vs TDM News: मराठी सिनेमांची होणारी टक्कर बॉक्स ऑफिसवर नवीन नाही.

अनेकदा चार - पाच मराठी सिनेमे एकत्र बॉक्स ऑफिसवर टक्कर देत असतात. अशीच एक मोठी लढत उद्या म्हणजेच २८ एप्रिलला मराठी सिनेमांची होणार आहे.

ती म्हणजे महाराष्ट्र शाहीर आणि TDM. हे दोन्ही बडे सिनेमे उद्या २८ एप्रिलला रिलीज होत आहेत. या दोन सिनेमांपैकी बॉक्स ऑफिसवर कोण बाजी मारणार याकडे सर्वांचं लक्ष आहे.

(kedar shinde maharashtra shaheer and bhaurao karhade tdm box office clash)

हेही वाचा: Types of Vedas: वेदांचे प्रकार

महाराष्ट्र शाहीर सिनेमाची गेली अनेक वर्ष प्रेक्षकांना उत्सुकता आहे. केदार शिंदे या सिनेमाचा गेली ५ वर्ष अभ्यास करत होते.

गाढा अभ्यास करून या सिनेमाच्या शूटिंगला सुरुवात केली. आणि अखेर हा सिनेमा उद्या २८ एप्रिलला संपूर्ण महाराष्ट्रात प्रदर्शित होतोय.

अंकुश चौधरी शाहीर साबळेंची भूमिका साकारत आहे. त्यामुळे सर्वांना या सिनेमाची उत्सुकता आहे.

तर दुसरीकडे प्रसिद्ध दिग्दर्शक भाऊराव कऱ्हाडे यांच्या टीडीएम नावाच्या चित्रपटाची मोठ्या प्रमाणात चर्चा आहे.

काहीच दिवसांपूर्वी आलेल्या TDM च्या ट्रेलरने यु ट्यूब वर धुमाकूळ केला. रोमँटिक आणि ऍक्शनचा तडका असलेला 'ख्वाडा', 'बबन'नंतर भाऊराव कऱ्हाडेंचा तिसरा सिनेमा म्हणजे 'TDM'.

२८ एप्रिलला TDM प्रदर्शित होतो आहे. टीडीएम चित्रपटाचा ट्रेलर सध्या सोशल मीडियावर तुफान व्हायरल झालाय.

असा अंदाज लावण्यात येत आहे की, केदार शिंदे आणि अंकुश चौधरी यांच्या महाराष्ट्र शाहीर सिनेमाला TDM तगडी टक्कर देईल. ग्रामीण भागात TDM ची मोठी हवा आहे.

त्यामुळे महाराष्ट्र शाहीर बिग बजेट सिनेमा असला तरीही ग्रामीण भागात TDM सोबत महाराष्ट्र शाहीर सिनेमाची तुल्यबळ लढत होईल यात शंका नाही.

TDM सिनेमाला ग्रामीण भागाची पार्श्वभूमी आहे, त्यामुळे ग्रामीण भागातील जनता सिनेमाला डोक्यावर घेण्याची शक्यता नाकारता येत नाही.