Kedar Shinde Post: सध्या 'महाऱाष्ट्र शाहीर' सिनेमाची जिकडे तिकडे चर्चा पहायला मिळत आहे. जेव्हापासून सिनेमाचा ट्रेलर प्रदर्शित झालाय तेव्हापासून तर सिनेमाविषयीची उत्सुकता अधिक पहायला मिळत आहे.

या सिनेमातील 'बहरला हा मधूमास नवा..' या गाण्यानं तर सोशल मीडियावर धुमाकूळ घातलेला दिसत आहे. याच गाण्यासंदर्भात पोस्ट करताना केदारनं एक फोटो एक पोस्ट केला ज्यानं सगळ्यांचे लक्ष वेधून घेतलं आहे. (Kedar Shinde Post On Maharashtra Shahir Movie)

आता ही बातमी तर जगजाहीर आहे की केदार शिंदे शाहीर साबळे यांच्या जीवनचरित्रावर 'महाराष्ट्र शाहीर' हा सिनेमा घेऊन लवकरच आपल्या भेटीस येत आहे. या सिनेमातील शाहीरांची भूमिका अंकुश चौधरी साकारत आहे तर त्यांची पत्नी भानुमती साबळे यांची भूमिका केदारचीच मुलगी सना शिंदे साकारत आहे.

केदारनं नुकताच शाहीर साबळे आणि भानुमती साबळे यांचा एक जुना दुर्मिळ फोटो शेअर करत लिहिलं आहे की, ''बहरला हा मधूमास... या गाण्याचं original casting. शाहीर साबळे आणि भानुमती साबळे... आज #महाराष्ट्र शाहीर या सिनेमा विषयी आपल्या रसिकांची उत्सुकता पाहून त्यांनाही खुप आनंद होत असावा.''