Ketki Chitale post viral: मराठीतील मालिकामंधील प्रसिद्ध अभिनेत्री केतकी चितळे ही तिच्या अभिनयापेक्षा सोशल मीडियावरील वेगवेगळ्या पोस्टसाठी चर्चेत असल्याचे दिसून आले आहे. यापूर्वीच्या तिच्या पोस्टवरुन नेटकऱ्यांनी तिला ट्रोल केले आहे. केतकीनं आपण कशाप्रकारे शुभेच्छा द्यायला हव्यात हेही सांगितलं आहे. त्यामुळे तिची ती पोस्ट भलतीच चर्चेत आली आहे. नेहमीप्रमाणे केतकीला त्या पोस्टवरुन नेटकऱ्यांचा ओरडा खावा लागला आहे.

केतकीनं आपल्या पोस्टमधून शुभेच्छा देताना आपण जे इमोजी वापरतो ते चीनमध्ये नववर्षासाठी वापरला जातो. असे म्हटले आहे. त्यामुळे आपण तो वापरताना काळजी घ्यावी असे केतकीनं म्हटले आहे. दुसऱ्या पोस्टमध्ये ती म्हणते, प्रत्येक सणापुढे हॅप्पी लिहून धर्माची माती करु नका. आपण जेव्हा हॅप्पी लिहितो तेव्हा शुभेच्छा आणि हॅप्पी या दोन्ही शब्दांमध्ये खूप अंतर आहे हे समजून घेण्याची गरज आहे. असे काही करुन आपण आपल्या धर्मामध्ये अंतर निर्माण करु नये.

केतकी ही नेहमीच तिच्या हटके आणि परखड प्रतिक्रियांसाठी ओळखली गेली आहे. तिच्या काही पोस्ट या कमालीच्या वादग्रस्त झाल्या आहेत. काही महिन्यांपूर्वी तिनं ज्येष्ठ नेते शरद पवार यांच्याबाबत फेसबूकवर आक्षेपार्ह पोस्ट शेयर केली होती. त्यावरुन तिला नेटकऱ्यांनी मोठ्या प्रमाणात ट्रोल केले होते. तिच्यावर गुन्हाही दाखल झाला होता. केतकी काही दिवस तुरुंगातही होती. असं असलं तरी केतकीनं आपला आक्रमकपणा सोशल मीडियाच्या माध्यमातून दाखवून दिला आहे.