Khichdi 2 Teaser News: खिचडी मालिकेने सर्वांना खळखळून हसवलं. ही मालिका आजही अनेकजण युट्यूबवर रिपीट पाहत असतात. मालिकेतल्या अनेक व्यक्तिरेखांनी प्रेक्षकांना खळखळून हसवलं. मालिकेतले गाजलेले संवाद सुद्धा प्रेक्षकांना तोंडपाठ आहेत.

काही वर्षांपूर्वी खिचडी सिनेमा आला होता. या सिनेमाने बॉक्स ऑफीसवर धुमाकूळ घालून प्रेक्षकांचं प्रेम मिळवलं. आता खिचडी चा पुढचा भाग म्हणजेच खिचडी 2 ची घोषणा झाली असुन टीझर प्रेक्षकांच्या भेटीला आलाय.

(Khichdi 2 Teaser out news)

खिचडी 2 चा विनोदी टीझर

खिचडी 2 चा टीझर प्रेक्षकांच्या भेटीला आलाय. या टीझरमध्ये पारेख परिवार एका मिशनवर चाललेले दिसत आहेत. पारेख परिवारातील हंसा, जयश्री, प्रफुल्ल, बाबूजी असे सर्व सदस्य या मिशनसाठी एकवटले आहेत.

या मिशनमध्ये त्यांच्यासोबत स्कॅम १९९२ फेम अभिनेता प्रतीक गांधी सुद्धा सहभागी असलेला दिसतोय. याशिवाय खिचडी सिनेमाच्या पहिल्या भागाप्रमाणे याही भागात फराह खान झळकणार आहे.

खिचडी सिनेमाची रिलीज डेट

खिचडी सिनेमा यंदाच्या दिवाळीत म्हणजेच १७ नोव्हेंबरला संपूर्ण भारतात प्रदर्शित होतोय. या सिनेमात सुप्रिया पाठक, किर्ती कुल्हारी, वंदना पाठक, राजीव मेहता, अनंग देसाई, जमनादास मजेठिया हे कलाकार झळकणार आहेत.

याशिवाय प्रतीक गांधी, किकू शारदा, फराह खान असे कलाकार विशेष भुमिकेत सिनेमात पाहायला मिळती. खिचडी च्या तमाम फॅन्ससाठी खिचडी 2 पाहणं ही विनोदाची पर्वणी म्हणावी लागेल