मुंबई - कोणे एकेकाळी अभिनेत्री किम शर्माची (kim sharma) बॉलीवूडमध्ये (bollywood) हवा होती. मात्र आता ती सोशल मीडियावर अॅक्टिव्ह असणारी सेलिब्रेटी झाली आहे. ती तिच्या वेगवेगळ्या कारणांसाठी चर्चेत असते. सध्या ती चर्चेत आली आहे ती लिएंडर पेस सोबतच्या फोटोंमुळे. त्या फोटोंवरुन तिला चाहत्यांच्या ट्रोलिंगला सामोरं जावं लागलं आहे. अनेकांनी तिला वेगवेगळ्या प्रकारच्या कमेंट करुन ट्रोल केलं आहे. दरवेळी किम शर्माचं नाव हे अनेकांशी जोडलं गेलं आहे. आपल्या अनेक नात्यांसाठी ती प्रख्यात आहे असं तिच्या ट्रोलर्सचं म्हणणं आहे. हर्षवर्धन राणे सोबत जेव्हा तिचं ब्रेक अप झालं तेव्हा तिचे नाव भारताचा टेनिस स्टार खेळाडू लिएंडर पेस सोबत जोडलं गेलं होतं. (kim sharma and leander paes romantic evening actress troll on social media yst88)

आता ते दोघही एकमेकांना डेट करत असल्याचे दिसून आले आहे. ते गोव्यात असतानाचे फोटो काही दिवसांपूर्वी व्हायरल झाले होते. आता त्यांचे मुंबईत एकमेकांसोबत असल्याचे फोटोही सोशल मीडियावर व्हायरल झाले आहेत. त्याला त्या दोघांच्याही चाहत्यांचा मोठा प्रतिसाद मिळताना दिसत आहे. या फोटोमुळे ते दोघेही एकमेकांना डेट करत आहेत आणि ते एकमेकांच्या प्रेमात असल्याचं त्यांच्या चाहत्यांचं म्हणणं आहे. त्यामुळे त्यावर चर्चा सुरु झाली आहे. काही मोजक्याच चित्रपटांमध्ये दिसलेल्या किमला लिएंडरमुळे ट्रोल केले जात आहे.

जेव्हा मुंबईच्या रस्त्यावर त्यांना पाहिले गेले तेव्हापासून वेगवेगळ्या प्रकारच्या चर्चांना उधाण आले आहे. फोटोग्राफरच्या कॅमेऱ्यातून त्यांची सुटका झालेली नाही. ते त्या कॅमेऱ्यामध्ये कैद झाले आहेत. दरम्यान किमच्या नावाचा एक व्हिडिओही व्हायरल झाला आणि त्यावरुन ती ट्रोल होण्यास सुरुवात झाली. तो व्हिडिओ पाहून तिला ट्रोलर्सनं विचारलं आहे की, आता पुन्हा तुझा बॉयफ्रेंड बदलला आहे का, दुसऱ्या युझर्सनं लिहिलं आहे की, आता लिएंडर पेस कोण आहे, तो आता किम शर्माचा नवा शिकारी आहे. अशाप्रकारच्या प्रतिक्रिया सोशल मीडियावर दिसून येत आहे.