kiran mane: किरण माने यांनी पोस्ट केली आणि चर्चा झाली नाही असे क्वचितच होते. गेल्या काही वर्षात किरण माने हे सर्वाधित चर्चेत राहिलेलं नाव आहे. कधी वादग्रस्त विषय, कधी मालिकेतील गोंधळ तर कधी आणखी काही.

बिग बॉस मराठी मुळे या नावाला अधिकच प्रसिद्धी मिळाली. सातारचा बच्चन घराघरात पोहोचला. ५२ वर्षांच्या किरण माने यांनी बिग बॉसच्या खेळात भल्याभल्याला धूळ चारली. त्यामुळे मुंबईत सह ग्रामीण भागात त्यांची प्रचंड हवा आहे.

ते सोशल मीडियावरही प्रचंड सक्रिय असतात. सातत्याने ते काहीना काही पोस्ट करत असतात. आज त्यांनी एक सुंदर शेर आणि एक व्हिडिओ पोस्ट केला आहे.

(Kiran Mane shared post video about village wai satara birthday memory farm house photos )

दोन दिवसांपूर्वीच किरण माने यांचा वाढदिवस साजरा झाला. यावेळी किरण माने यांनी आपला वाढदिवस आपल्या जवळच्या मित्रांसोबत आणि त्यांच्या परिवारासोबत साताऱ्यातील वाई येथील फार्महाऊस साजरा केला.

या संदर्भात किरण माने यांनी एक पोस्ट देखील केली होती. याच फार्म हाऊसवरील काही आठवणी किरण माने यांनी एका व्हिडिओच्या माध्यमातून शेयर केल्या आहेत. यामध्ये किरण माने मस्त शेतात फेरफटका मारताना दिसत आहे. बाजूलाच मेंढयांचा कळप आहे.

त्यातलं एक छोटं करडू किरण माने यांनी उचलून घेतलं आहे. असा हा मस्त गावाकडची आठवण करून देणारा व्हिडिओ आहे. सोबतच गप्पांची मैफल आणि मित्रांसोबतचे फोटोही या व्हिडिओमध्ये आहेत.

या व्हिडिओला किरण माने यांनी एक सुंदर कॅप्शन दिले आहे. ''शहर की भीड़ में चलता तो रहता हूं... ज़ेहन में मगर गांव का नक़्शा रहता है !'' असा शेर त्यांनी लिहिला आहे. त्यांची ही पोस्ट चाहत्यांना खूप आवडली आहे. अनेकांना किरण माने यांची पोस्ट पाहून आपल्या गावाकडच्या आठवणी आल्या. अनेकांनी कमेंट करत किरण मानेंवरील प्रेम व्यक्त केलं आहे.