मुंबई - भारतीय जनता पार्टीच्या चंदीगडच्या खासदार आणि बॉलिवूडमधील प्रसिद्ध अभिनेत्री किरण खेर Kirron Kher मल्टीपल माइलोमा multiple myeloma या आजारानं त्रस्त आहेत. त्यांच्यावर उपचार सुरू आहेत. किरण यांचे पती अनुपम खेर anupam kher त्यांच्या प्रकृतीची माहिती सोशल मीडियावर नेहमी शेअर करत असतात. किरण यांचा मुलगा सिकंदरने Sikandar Kher नुकत्याच एका लाइव्हमध्ये किरण यांच्या प्रकृतीबद्दल माहिती दिली.(Kirron Kher battling cancer makes appearance in son Sikandar Kher video)

सिकंदरच्या या लाइव्हमध्ये किरण यांनी देखील चाहत्यांसोबत संवाद साधला. या लाइव्हचा व्हिडीओ शेअर करून सिकंदरने त्याला कॅप्शन दिले,'खेर साहेब आणि किरण मॅडम.आमचे हे छोटेसे कुटुंब आहे. माझ्या कुटुंबाकडून आणि माझ्याकडून नमस्कार. तुम्ही सर्वांनी आईवर केलेल्या प्रेमाबद्दल मी तुमचे आभार मानतो.' या व्हिडिओमध्ये सिकंदर म्हणाला,' मी माझ्या आई वडिलांसोबत आहे. तुम्हाला किरण खेर यांना पहायचे आहे का?' त्यानंतर सिकंदरने किरण यांना लाइव्हमध्ये घेतले. किरण यांनी सर्व चाहत्यांना नमस्कार केला. त्यानंतर त्या सिकंदरला म्हणाल्या, 'काही महिन्यानंतर तु 41 वर्षाचा होणार आहेस त्यामुळे आता तु लग्न केले पाहिजे.' या व्हिडिओमध्ये अनुपम खेर देखील दिसत आहेत.

मल्टीपल माइलोमा हा ब्लड कॅन्सरचा प्रकार आहे. 1 एप्रिल रोजी किरण यांनी मीडियाला या आजाराबद्दल सांगितले. तसेच 11 नोव्हेंबर 2019 मध्ये किरण यांच्या चंडीगढमधील घरामध्ये पडल्यामुळे त्यांचा डाव्या हाताला दुखापत झाली होती. हाताच्या उपचारादरम्यान त्यांना मल्टीपल मायलोमा या कॅन्सरचं निदान झालं. किरण यांच्यावर कोकिलाबेन हॉस्पिटलमध्ये उपचार सुरू होते. काही दिवसांपुर्वी कोकिलाबेन अंबानी हॉस्पिटलमध्ये त्यांच्यावर बोन सर्जरी करण्यात आली.