Kosla Marathi Movie: भालचंद्र नेमाडेंच्या कोसला कादंबरीचे अनेक चाहते आहेत. अनेक वर्ष लोटली तरीही मराठी साहित्यविश्वात कोसला कादंबरीची चर्चा होते. अशातच कोसला कादंबरीसंबंधी एक मोठी घोषणा करण्यात आलीय.

नेमाडेंच्या कोसला कादंबरीवर आता मराठी सिनेमा येणार आहे. येत्या काही दिवसात दिग्गज कलाकारांच्या उपस्थितीत ही घोषणा होणार आहे.

कोसला वर येतोय मराठी सिनेमा

नेमाडेंच्या कोसला वर मराठी सिनेमा येणार आहे. कोसला - उदाहरणार्थ मी असं या सिनेमाचं नाव आहे. निर्माण स्टूडिओज आणि मेहूल शाह यांनी या सिनेमाची निर्मिती केलीय.

आदित्य राठी आणि गायत्री पाटील या दोघांनी सिनेमाच्या दिग्दर्शनाची धूरा सांभाळली आहे. सयाजी शिंदे, सोनाली कुलकर्णी, अच्युत पालव या दिग्गज कलाकारांच्या उपस्थितीत सिनेमाची घोषणा होणार आहे. 'कोसला'कार भालचंद्र नेमाडे स्वतः या सोहळ्याला उपस्थित राहणार आहेत.

कुठे आणि कधी होणार घोषणा?

२७ नोव्हेंबरला दुपारी २ वाजता मुंबईत ही घोषणा होणार आहे. यावेळी सिनेमाची संपुर्ण टीम आणि कलाकार उपस्थित राहणार आहेत.

अशाप्रकारे नेमाडेंच्या लोकप्रिय कोसला कादंबरीवर सिनेमा येणार असल्याने पुस्तकप्रेमी आणि सिनेप्रेमी सर्वांची उत्सुकता शिगेला आहे.