मुंबई : बॉलिवूड हे क्षेत्रच इतकं हॅपनिंग आहे. त्यामुळे सतत काहीतरी होत असतं. कधी कॉन्ट्रॉवर्सी, वॉर, भांडणे तर कधी ब्रेकअप आणि लव्हस्टोरी असं काहीतरी घडत असतं आणि चर्चेचा विषय ठरतो. अभिनेत्री खारबंदा गेल्या काही दिवसांपासून चर्चेत आहे. 'हाऊसफुल 4' मध्ये ती झळकली आणि सध्या एका खास कारणामुळे ती पुन्हा एकदा लाइमलाइटमध्ये आली आहे. क्रिती खारबंदाने तिच्या प्रेमाची कबुली दिली आहे ! 

अभिनेत्री खारबंदाने आजवर मोजकेच सिनेमे केले आहेत आणि तरीही बी-टाऊनमध्ये तिने आपली वेगळी ओळख निर्माण केली आहे. नुकतचं क्रितीने तिच्या प्रेमाची कबुली सोशल मीडियावर दिली आहे. इन्स्टाग्रामवर बॉयफ्रेंडसोबत फोटो टाकून प्रेमाचा इजहार करत चर्चांना पूर्णविराम दिला आहे. 

दुसरं तिसरं कोणी नसून क्रितीने अभिनेता पुलकित सम्राटसोबत एक क्युट फोटो शे्अर केला आहे. ते दोघं डेट करत असल्याचं अधिकृतपणे तिने या पोस्टद्वारा कबुल केलं आहे. शेअर केलेल्या फोटोला कॅप्शन देताना क्रितीने फक्त हार्टची इमोजी दिली आहे. या फोटोमध्ये आणि पुलकित बिचवर ट्रॅडिशनल कपड्यांमध्ये दिसत आहेत. बीचवरील मावळत्या सुर्यासोबतचा हा फोटो खूप रोमॅंटिक आहे आणि चाहत्यांनी या फोटोवर लाइक्स आणि कमेंटचा वर्षाव केला आहे.

पुलकित आणि क्रिती यांनी 'पागलपंती' या चित्रपटातून एकत्र काम केलं. या चित्रपटाच्या शुटींगदरम्यान त्या दोघांची मैत्री झाली. त्याच मैत्रीचं रुपांतर प्रेमात झालं असून त्याची कबुली दोघांनी दिली आहे.

सलमान खानची मानलेली बहिण श्वेता रोहिरा हिच्याशी 201 मध्ये पुलकितचं लग्न झालं होतं. पण काहीच वर्षांत ते वेगळे झाले. या प्रकारामुळे सलमान पुलकितवर नाराज होता. एवढचं काय त्यानंतर पुलकितला मोठ्या बॅनरचे चित्रपट मिळणंही अवघड झालं होतं. मध्यंतरी पुलकितचं नाव अभिनेत्री यामी गौतम हिच्याशी जोडलं गेलं होतं.     

पुलकितने सनम रे, फुकरे, विरे की वेडिंग, डॉली कि डोली, बंगीस्तान या चित्रपटातून काम केलं आहे. तर, क्रितीने हाउसफुल, पागलपंती, गेस्ट इन लंडन, विरे कि वेडिंग असे हिंदी सिनेमे केले तर अनेक दाक्षिणात्य सिनेमांतूनही ती झळकली.