Kushal Badrike: अभिनेता कुशल बद्रिके (Kushal Badrike) हा त्याच्या विनोदी शैलीनं नेहमीच प्रेक्षकांची मनं जिंकत असतो. कुशल हा सोशल मीडियावर देखील अॅक्टिव असतो. त्याच्या सोशल मीडियावरील पोस्टला नेटकऱ्यांची पसंती मिळते. अशताच आता कुशलनं एक खास पोस्ट शेअर केली आहे. त्याच्या या पोस्टनं अनेकांचे लक्ष वेधले आहे.

कुशलची पोस्ट

कुशलनं त्याचा एक फोटो इन्स्टाग्रामवर शेअर केला आहे. या फोटोला त्यानं कॅप्शन दिलं, “शोधून सापडणार नाहीत”, काही अशी माणसं आयुष्यातून निघून गेली ना, की माणसं “एकलकोंडी” होत जातात. फक्त स्वतःची होत जातात, स्वतः मधेच रमत राहतात आणि मग, आयुष्यातून आणखीन माणसं गमावून बसू ह्या भीती पोटी हे लोक माणसं कमवायचीच राहून जातात. अशा एकाकी माणसांना त्यांच्यावर सच्च प्रेम करणारं कुणीतरी हवं असतं. बास!:-सुकून." कुशलच्या या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.

नेटकऱ्यांच्या कमेंट्स

अनेक नेटकऱ्यांनी कुशलनं शेअर केलेल्या पोस्टला कमेंट्स केल्या आहेत. "खूप छान लिहितोस यार.... शेवटी एकटाच पडतो माणूस..." अशी कमेंट एका नेटकऱ्यानं कुशलच्या पोस्टला केली आहे. तर दुसऱ्या युझरनं कमेंट केली, "कुशल सर, तुमचं खरं आहे."

'चला हवा येऊ द्या'मुळे मिळाली लोकप्रियता

चला हवा येऊ द्या या कार्यक्रमामुळे कुशलला विशेष लोकप्रियता मिळाली. या कार्यक्रमात कुशल विविध भूमिका साकारुन प्रेक्षकांचे मनोरंजन करतो. या कार्यक्रमात भालचंद्र कदम, सागर कारंडे, श्रेया बुगडे,भारत गणेशपुरे हे कलाकार देखील काम करतात.

कुशलनं 'या' चित्रपटांमध्ये केलं काम

माझा नवरा तुझी बायको,जत्रा,बकुळा नामदेव घोटाळे आणि पांडू या चित्रपटामध्ये कुशलनं महत्वाची भूमिका साकारली आहे. तसेच जागो मोहन प्यारे,लाली लाल या नाटकांमध्ये देखील कुशलनं काम केलं आहे. कुशलच्या आगामी प्रोजेक्ट्सची प्रेक्षक उत्सुकतेने वाट बघत असतात.