जेष्ठ गायिका लता मंगेशकर (Lata Mangeshkar) यांचं आज सकाळी निधन झालं. त्यांच्या गायनातून त्यांनी देशाला मोठा खजिना दिला आहे. हिंदी मराठी आणि इतर वेगवेगळ्या भाषांत त्यांनी आपल्या गायनाच्या माध्यमातून नावलौकिक कमावलं होतं. त्यांच्या मृत्यूनंतर त्यांच्या जीवनातील वेगवेगळ्या आठवणींना उजाळा देण्याचा प्रयत्न प्रत्येकजण करतोय.

देशातच नाही तर संबंध जगात आपल्या गायणाच्या माध्यमातून आपली ओळख निर्माण करणाऱ्या लता दीदींच्या पहिल्या गाण्याचा एक किस्सा जरा वेगळाच आहेत. त्यांनी गायलेलं पहिलं गाणं कधी रिलीजच होऊ शकलं नाही.

लता मंगेशकर यांचे पहिले गाणे का रिलीज झाले नाही?

लता मंगेशकर यांनी हजारो गाणी गायली आहेत. पण त्यांनी गायलेलं पहिलं गाणं कधीच रिलीज झालं नाही. या गाण्याचं नाव होतं 'नाचू या गडे, खेळू सारी मनी हौस भारी' सदाशिवराव नेवरेकर यांनी 1942 मध्ये आलेल्या या मराठी चित्रपटासाठी हे गाणं संगीतबद्ध केलं होतं. हे गाणं लतादीदींच्या आवाजात तयार करण्यात आलं होतं. मात्र चित्रपटाच्या फायनल कटमध्ये ते वगळण्यात आले. त्यामुळेच ते गाणे कधीच रिलीज होऊ शकले नाही.