Thalapathy Vijay film Leo leaked in HD print : ज्या चित्रपटाची प्रेक्षक आतूरतेनं वाट पाहत होते तो थलापती विजयचा लिओ हा चित्रपट आज प्रदर्शित झाला आहे. प्रदर्शनापूर्वीच या चित्रपटानं जगभरात अॅडव्हान्स बूकींगचे विक्रम केले होते. त्याला पहिल्याच दिवशी चांगला प्रतिसाद मिळाल्याचे दिसून येत असताना निर्मात्यांना मोठा दणका बसला आहे.

थलापती विजयचा लिओ नावाचा चित्रपट ऑनलाईन लिक झाल्यानं निर्मात्यांपुढे मोठा प्रश्न निर्माण झाला आहे. या चित्रपटाची एचडी प्रिंट ऑनलाईन व्हायरल झाल्यानं निर्मात्यांनी आता संबंधितांविरोधात आक्रमक पाऊल उचलण्याचा निर्णय घेतला आहे. यापूर्वी अनेक महत्वाच्या चित्रपटांबाबत हा प्रकार घडल्याचे दिसून आले आहे. त्यामुळे निर्मात्यांना मात्र मोठ्या नुकसानीला सामोरं जावं लागलं आहे.

प्रदर्शित झाल्यानंतर अवघ्या काही तासांतच त्याची एच डी प्रिंट काही जणांच्या मोबाईलवर आल्यानं एकच खळबळ उडाल्याचे दिसून आले आहे. यामुळे विजयच्या चाहत्यांना देखील धक्का बसला आहे. अशाप्रकारे सोशल मीडियावर चित्रपटाच्या प्रिंट लिंक उपलब्ध झाल्यानं त्याचा तोटा निर्मांत्याबरोबरच कलाकारांना देखील सहन करावा लागतो. त्यामुळे अनेक आर्थिक प्रश्न तयार होतात.

अशा प्रकारची पायरसी रोखण्यासाठी सायबर विभागाकडून मोठ्या प्रमाणात पाऊलं उचलली जातात. मात्र तरीही संबंधित सायबर चोरटे कोणत्या ना कोणत्या मार्गातून अशाप्रकारे चित्रपटाच्या लिंक व्हायरल करत असल्याचे दिसून आले आहे.

२०२३ मधील सर्वाधिक चर्चेतील चित्रपट म्हणून लिओ कडे पाहिले जात होते. तो चित्रपट पाहण्यासाठी प्रेक्षक थिएटरमध्ये गर्दी करु लागले आहेत. त्याच्या अॅडव्हान्स बुकींगला केवळ भारतच नाहीतर जगभरातून चांगला प्रतिसाद मिळाला आहे. अशावेळी हा चित्रपट ऑनलाईन लिक झाल्यानं मोठी खळबळ उडाली आहे.