Liger Movie Rating: विजय देवराकोंडा आणि अनन्या पांडेचा लायगर नुकताच प्रदर्शित झाला. मात्र त्याला काही प्रेक्षकांचा फारसा प्रतिसाद मिळालेला नाही. लायगरच्या वाट्याला अमाप लोकप्रियता येईल असा अंदाज कलाकारांसहित (Tollywood Movie News) निर्माते, दिग्दर्शकांना होता. मात्र तसे झाले नाही. एकीकडे बॉयकॉट बॉलीवूड असा ट्रेंड सुरु असताना त्याचा फटका लायगरला (Liger Movie Rating) बसल्याचे सांगितले जात आहे. दुसरीकडे लायगरच्या माध्यमातून बॉलीवूडमध्ये पदार्पण करणाऱ्या विजयला मोठया अपयशाला सामोरं (Bollywood News) जावं लागलं आहे. त्याच्या या चित्रपटाचे रिव्ह्यु टोकाचे आहेत. लायगर पाहून आपण नाखूश असल्याचे त्यांचे म्हणणे आहे. यासगळ्यात आयएमडीबीच्या रेटिंगनं तर त्या चित्रपटाचे धिंडवडे काढले आहेत.
काही दिवसांपासून बॉलीवूड विरुद्ध टॉलीवूड असा संघर्ष सुरु असल्याचे दिसून येत आहे. त्यात बड्या बड्या कलाकारांना मोठ्या अपयशाचा सामना करावा लागला आहे. बॉलीवूडचा मिस्टर परफेक्शनिस्ट आमिर खान, अक्षय कुमार यांच्या चित्रपट दणकून आपटले आहेत. या स्टार्सनं असा कधीही विचार केला नव्हता. मात्र सोशल मीडियावर त्यांच्या चित्रपटांचा झालेला नकारात्मक प्रचार हा त्यांना भोवला आहे. विजयनं देखील थिएटरचालकांच्या विरोधात घेतलेली भूमिका त्याला नडली आहे. यासगळ्याचा परिणाम त्याच्या चित्रपटावर झाला आहे. लायगर फ्लॉप झाल्याचे अनेक समीक्षक, चित्रपट अभ्यासक यांनी म्हटले आहे. आयएमडीबीच्या रेटिंग अनेकांचे लक्ष वेधून घेतले आहे.
आयएमडीबीनं सध्या प्रदर्शित झालेल्या चित्रपटाचे रेटिंग शेयर केले आहे. त्यात त्यांनी लायगरला दहापैकी केवळ 1.7 असं रेटिंग देण्यात समाधान मानले आहे. लायगरची स्टारकास्ट, त्याची स्टोरी, संवाद यासगळ्या पातळीवर या चित्रपटानं प्रेक्षकांची निराशा केल्याचे अनेकांचे म्हणणे आहे. विजयचे बॉडी ट्रान्सफॉर्मेशन वगळता लायगरमध्ये फारसे काही पाहण्यासारखे नाही अशी प्रेक्षकांची भावना आहे. आयएमडीबीनं म्हटल्यानुसार, लायगर हा आतापर्यतचा सर्वात बोगस चित्रपट असल्याचे म्हटले आहे. एका युझर्सनं दहापैकी 1 गुणं देणं यापेक्षा आणखी काय वेगळी प्रतिक्रिया असू शकते असे म्हटले आहे.
आयएमडीबीनं आमिरच्या लाल सिंग चढ्ढाला 5. अक्षय कुमारच्या रक्षाबंधनला 4.6 तर तापसीच्या दोबाराला 2.9 असं रेटिंग दिलं आहे. बॉलीवूडचा सुपरस्टार रणबीर कपूरच्या समशेरा आयएमडीबीनं 4.9 असं रेटिंग दिलं आहे. यावरुन यंदाच्या वर्षी बॉलीवूडच्या चित्रपटांचा परफॉर्मन्स कसा राहिला आहे याची माहिती मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.