मुंबई ः आपल्या सुरांनी सगळ्यांना मंत्रमुग्ध करणारी सारेगमप लिटल चॅम्पस फेम कार्तिकी गायकवाड आता आपल्या आयुष्याची नवीन इनिंग खेळण्यास सज्ज झाली आहे. नुकताच बिझनेसमन असलेल्या रोनित पिसे याच्याशी तिचा साखरपुडा झाला आहे. तसेच यावर्षी डिसेंबर महिन्यात त्यांचे लग्नही होणार आहे. विशेष म्हणजे लाॅकडाऊमध्येच हे सगळं ठरलं आहे.

अमिताभ यांच्यासाठी एका अज्ञाताने लिहिलं कोविडने तुमचा मृत्यु झाला पाहिजे, मग बिग बींनी असं दिलं उत्तर

झी मराठीवरील लोकप्रिय कार्यक्रम सारेगमप लिटल चॅम्पस कार्तिकी सन २००९ मध्ये विजेती ठरली होती. संगीताचा वारसा कार्तिकीच्या घराण्यातच आहे. तिचे वडील कल्याणजी गायकवाड छोटे-मोठे कार्यक्रम करीत असताना पिसे कुटुंबीय कार्यक्रम पाहायला येत असत. पिसे कुटुंबीयांनादेखील संगीताची आवड होती. त्यामुळे कल्याणजी आणि पिसे कुटुंबीयांची  संगीताच्या कार्यक्रमातूनच ओळख वाढत गेली आणि लाॅकडाऊन असताना रोनित आणि कार्तिकीच्या लग्नाची बोलणी सुरू झाली. नुकताच कार्तिकी आणि रोनितचा साखरपुडा पुण्यातील धायरीतील एका रिसाॅर्टवर झाला. दोन्ही कुटुंबातील काही मोजकी मंडळी या कार्यक्रमाला उपस्थित होती.

महेश भट्ट यांच्या चौकशीत रिया चक्रवर्तीसोबतच्या संबंधांवर पोलिसांनी केली चौकशी - 

रोनित कालिदास पिसे हा धायरी येथे राहतो आणि तो मेकॅनिकल इंजिनियर आहे. याबाबत माहिती देताना कार्तिकीचे वडील म्हणाले, की लाॅकडाऊनमध्येच हे सगळं ठरलं आहे. रोनितला संगीताची खूप आवड आहे. त्यामुळे सगळ्या बाबी लगेच जुळून आल्या आहेत. लग्नासाठी डिसेंबर महिन्यातील दोन तारखा आम्ही आता काढलेल्या आहेत. त्यातील एक तारीख निश्चित होईल.  

----------------------------------------------

संपादन - तुषार सोनवणे