मुंबई - बॉलीवूडमध्ये आपल्या गायकीनं श्रोत्यांना वेड लावणारा गायक म्हणून लकी अलीची ओळख आहे. त्याला आतापर्यत चाहत्यांचा मिळालेला प्रतिसादही मोठा आहे. आजही त्याच्या गाण्याला मिळणारी पसंती मोठी आहे. आतापर्यत लकी अली यांच्याविषयी वेगवेगळ्या प्रकारच्या अफवा सोशल मीडियावरुन प्रसिद्ध झाल्या होत्या. लकी अली यांनी देखील त्या अफवांना फारसं महत्व दिलं नाही. सध्या त्यांच्या मुलीचे फोटो सोशल मीडियावर व्हायरल झाले आहेत. त्या फोटोंना चाहत्यांनी लाईक्स करत अनेक कमेंटही दिल्या आहेत. चाहत्यांना लकी अलीच्या मुलीबद्दल फारसे माहिती नाही. तिचं नाव सारा अनारा अली असं आहे. तिचा फॅन्सी लूक चांगलाच व्हायरल झाला आहे.

लोकप्रिय पॉप सिंगर म्हणून लकी अली यांची ओळख आहे. त्यांची आणि नफीसा अली सोधी यांच्यातील मैत्री सर्वश्रुत आहे. त्यांच्याबद्दलच्या अनेक गोष्टी चाहत्यांना माहिती नाही. सोशल मीडियावरही त्या फारशा आलेल्या नाहीत. यावेळी नफीसा अली यांनी त्यांच्या सोशल मीडियावरुन काही फोटो शेयर केले आहेत.

सध्या लकी अली यांच्या सारा अलीचे फोटो व्हायरल झाले आहेत. त्यात नफीसा यांनी लिहिलं आहे की, माझा मित्र लकी अली याची दुसरी मुलगी. लकीस्टार.

सारा अली ही लकी अली यांची दुसरी पत्नी इनन्या यांची मुलगी आहे. साराचे फोटो पाहून तिला चाहत्यांनी वेगवेगळ्या प्रकारच्या प्रतिक्रिया दिल्या आहे. तिचे फोटो पाहून तिला शुभेच्छाही दिल्या आहेत.

एका फोटोमध्ये सारानं नफीसा यांच्या कोकोला हातात घेतलं आहे. त्यावेळी नफीसा यांच्या चाहत्यांनी ती गोष्ट हेरुन साराला कमेंट केल्या आहेत. तेव्हा सारा आता तुही गायिका होणार का, असा प्रश्न विचारला आहे.

काही दिवसांपूर्वी कोरोनानं लकी गेले अशी बातमी प्रसिद्ध झाली होती. त्यावर लकी अली यांना त्यावरुन सोशल मीडियावरुन सांगावं लागलं होतं की, मी ठीक आहे. माझी प्रकृती उत्तम असल्याचे त्यांनी सांगितलं होतं. गेल्या काही दिवसांत त्यांचा गोव्यातील ओ सनम नावाचा व्हि़डिओही व्हायरल झाला होता.