lucky ali birthday : 'ओ सनम', 'आ भी जा', 'कितनी हसीन जिंदगी', 'ना तुम जानो ना हम' यासारखी कित्येक अजरामर गाणी गेलेले बॉलिवूड मधील प्रसिद्ध गायक, संगीतकार लकी अली (Lucky Ali) यांचा आज 19 सप्टेंबर रोजी 65 वा वाढदिवस. एक काळ असा होता की लोक लकी अली यांच्या गाण्यासाठी अक्षरशः वेडे होते. आज लकी अली आपला वाढदिवस साजरा करत असले तरी गेल्या वर्षी त्यांच्या निधनाची जोरदार अफवा उठली होती. आज त्यांच्या वाढदिवसानिमित्ताने जाणून घेऊया हा खास किस्सा.. (lucky ali birthday : lucky dies rumors spread last year)

लकी अली यांचा जन्म 19 सप्टेंबर 1958 रोजी मुंबईत झाला. लकी अली यांचे संपूर्ण नाव मकसूद महमूद अली आहे. लकी अली यांनी आजवर शेकडो गाणी अजरामर केली. लकी अली यांचा सांगीतिक प्रवास आजही सुरू आहे. पण मध्यंतरी ते काही कारणांमुळे सोशल मीडिया पासून बरेच दूर गेले होते. त्यांचा वावर दिसून न आल्याने अनेकांनी त्यांचे निधन झाले असल्याचे जाहीर केले आणि एकच अफवा देशभर पसरली. हा किस्सा आहे, 5 मे 2021 चा..

साधारण ही मंगळवार 4 मे 2021 ची घटना आहे. या दिवशी लकी अली यांचे निधन झाल्याची अफवा सोशल मीडीयावर व्हायरल झाली होती. लकी अली त्यांच्या गाण्यांचे व्हिडीओ सोशल मीडियावर नेहमी शेअर करत असत. पण अचानक ते सोशल मीडियापासून दूर गेल्याने त्यांच्या निधनाची अफवा पसरली. लकी अली यांच्या अनेक चाहत्यांनी ट्विटरवर त्यांना श्रद्धांजली देखील वाहिली होती. परंतू त्याच्या निधनाचा ठोस पुरावा किंवा बातमी कुठेच नव्हती. ही बातमी देशभर पसरल्यावर अली अली यांच्यापर्यंत देखील त्यांच्या निधनाची वार्ता पोहोचली अआणि अखेर ते सोशल मिडियावर आले.

अखेर दुसऱ्या दिवशी लकी अली यांनी पोस्ट करत (Lucky Ali) लिहिले की, ‘नमस्कार, सध्या सोशल मीडियावर माझ्या निधनाच्या अफवा सुरु आहेत. त्यावर मी बोलू इच्छितो. मी घरी शांततेत वेळ घालवत आहे. आशा आहे की तुम्ही सर्वजण देखील काळजी घेत आहात आणि सुरक्षित आहात.' आणि त्या पोस्ट नंतर हे वादळ थांबलं आणि लकी आली सोशल मिडियावर पुन्हा काहीसे सक्रिय झाले.