प्रसिद्ध कवी,गीतकार,अभिनेता म्हणून आजच्या तरुणाईत प्रसिद्ध असलेला संदीप खरे(Sandeep Khare) यानं सकाळ Unplugged कार्यक्रमात मुलाखतीच्या माध्यमातून दिलखुलास संवाद साधला आहे. त्याच्या अनेक प्रसिद्ध गाण्यांचा जन्म नेमका कसा,कधी,कुठे झाला याचे रंजक किस्से खास त्यानं शेअर केले आहेत. कोरोनाला हरवून उज्वल भविष्याचं प्रतिबिंब दाखवणाऱ्या कवितेनं मुलाखती शेवट त्यानं गोड केला आहे. 'मन तळ्यात,मन मळ्यात,जाईच्या कळ्यात' संदीपच्या सुप्रसिद्ध गाण्याचा जन्म तर खंडाळा घाटात झाला होता हा संदीपनं मुलाखतीत सांगितलेला किस्सा तर भन्नाट आहे. पण यासाठी तुम्हाला या बातमीत खाली संदीपच्या मुलाखतीची लिंक जोडलेली आहे,ती ऐकावी लागेल.

संदीप खरेनं 'आयुष्यावर बोलू काही' या कार्यक्रमातनं,त्याच्या 'दमलेल्या बाबाची कहाणी' या गाण्यानं अनेकांना त्याचं फॅन व्हायला मजबूर केलंय हे मात्र खरंय. त्याच्या गाण्यातले शब्द नेहमी साधे,सरळ,सोपे का असतात याच्यामागचेही गमक संदीपनं सांगितलंय. चौथीत असताना आंघोळ करताना सुचलेलं पहिलं गाणं हा किस्सा तर संदीपच्या तोंडूनच ऐकायला हवा. संदीप हा तरुणाईचा आवडता कवी,गीतकार कसा बनला याचा प्रवास ऐकणं ही पर्वणी असेल. त्याचं काव्यवाचन तर भन्नाट,ती एक मेजवानी असते. या त्याच्या सगळ्या प्रवासावर बोलताना त्यानं त्याच्या अनेक सु्प्रसिद्ध गाण्यांच्या जन्माची सांगितलेली कहाणी ऐकणं तुम्हा सर्वांना नक्की आवडेल. मुलाखतीचा शेवट तर त्यानं कोरोनावर मात करीत उज्जवल भविष्याकडे झेप घेण्याची उर्जा देणाऱ्या कवितेनं केला आहे. संदिप खरेची ही दिलखुलास मुलाखत ऐकण्यासाठी या बातमीत वर लिंक जोडली आहे,ती नक्की ऐका.