संजय दत्त आणि त्याची पत्नी मान्यता हे बॉलिवूडचे हॅप्पी मॅरिड कपल आहेत. हे जोडपे आज त्यांच्या लग्नाचा 15 वा वाढदिवस साजरा करत आहे. या खास प्रसंगी मान्यताने पती संजय दत्तला लग्नाच्या वाढदिवसानिमित्त खास शुभेच्छा दिल्या आहेत. खरंतर तिने तिच्या अधिकृत इन्स्टाग्रामवर संजय दत्तसाठी एक व्हिडिओ पोस्ट केला आहे.

इन्स्टावर पोस्ट केलेल्या व्हिडिओमध्ये संजय आणि मान्यता दत्त रोमँटिक डान्स करताना दिसत आहेत. तुम साथ हो जब अपने दुनिया को दिखा देंगे हे गाणे बॅकग्राउंडमध्ये वाजत आहे. व्हिडिओमध्ये मान्यता ब्लॅक अँड व्हाइट आउटफिटमध्ये खूपच क्यूट दिसत आहे. सूट-बूटमध्ये संजय दत्त एकदम हटके दिसत आहे.

व्हिडिओ पोस्ट करताना मान्यताने कॅप्शनमध्ये लिहिले की, “ २१ वर्षे …..आपण रियल आहोत, आपण चुका करतो…आपण म्हणतो मला माफ कर, आपण दुसरी संधी देतो…आपण माफ करतो, आम्ही खरच मोठ्याने जातो...आपण धीर धरतो,आपण प्रेम करतो...आपण प्रेम आहोत!! हॅप्पी 15 अ‍ॅनिव्हर्सरी माय हाल्फ".

संजय दत्तने 2008 मध्ये मान्यतासोबत लग्न केले होते आणि हे जोडपे 12 वर्षांच्या शहरान आणि इकरा या जुळ्या मुलांचे पालक आहेत. अभिनेत्याचे पहिले लग्न ऋचा शर्माशी झाले होते, तिचा मृत्यू 1996 मध्ये ब्रेन ट्यूमरमुळे झाला होता, तिला त्रिशाला ही मुलगी आहे. ती अमेरिकेच्या युनायटेड स्टेट्समध्ये तिच्या आजी-आजोबांसोबत राहते. मान्यताने २०१९ मध्ये ‘प्रस्थानम’ या चित्रपटाची निर्मिती केली.

संजय दत्त अखेरचा रणबीर कपूर आणि वाणी कपूरसोबत शमशेरामध्ये दिसला होता. तो KGF Chapter 2 मध्येही दिसला. सध्या या अभिनेत्याचे अनेक आगामी चित्रपट पाइपलाइनमध्ये आहेत.