मुंबई : राजकुमार राव आणि मौनी राय यांचा आगामी चित्रपट 'मेड इन चायना' चा ट्रेलर काही दिवसांपूर्वीच प्रदर्शित झाला. या चित्रपटामध्ये राजकुमार एका वेगळ्याच लुकमध्ये दिसतोय. तर एकुणच ट्रेलरवरुन लक्षात येतं आहे की हा चित्रपट भरपूर कॉमेडी आणि मजेशीर असणार आहे. नुकतेच या सिनेमाचं पहिलं गाणं प्रदर्शित झाले आहे.

'ओढणी' असं या गाण्याचं नाव असून प्रेक्षकांकडून गाण्याला पसंती मिळतेय. गाण्यामध्ये मौनी आणि राजकुमार एकत्र दिसत आहेत. त्यांच्या जबरदस्त परफॉरमन्सने सर्वांनाच हैराण केलं आहे.  मौनीच्या ठुमक्यांवर प्रेक्षक फिदा झाले असून गाणं प्रदर्शित झाल्यावर ते लगेचच व्हायरल झालं आहे. 

जुन्या 'ओढणी' गाण्याला रिक्रेएट करण्यात आलं आहे. गाण्याला दर्शन रावल, नेहा कक्कर आणि सचिन-जिगर यांनी आवाज दिला. सचिन-जिगर यानेच हे गाणं तयार केलं. नीरेन भट्ट आणि जिगर सरैया यांनी गाणं लिहिलं आहे. काही तासांपूर्वी युट्युबवर अपलोड केलेल्या या गाण्याला जवळपास साडेतीन लाखांपेक्षा जास्त व्ह्युज मिळाले आहेत. 

बोमन ईराणी, परेश रावल, सुमित व्यास, राजकुमार राव आणि मौनी रॉय अशी दमदार कास्ट असलेल्या या चित्रपटाची कथा एका गुजराती व्यापारावर आधारीत आहे. हा चित्रपट दिवाळीला म्हणजेच 24 ऑक्टोबरला प्रेक्षकांच्या भेटीला येणार आहे.