Mahadev App Case News: महादेव अॅपचं प्रकरण सध्या चांगलंच वाढणार असल्याचं दिसतंय. महादेव अॅप मुळे अनेक कलाकार ईडीच्या रडारवर आहेत. काल रणबीर कपूरला ईडीनं समन्स बजावलंय.

आता नवीन माहितीनुसार, केवळ रणबीर कपूर नाही तर बॉलिवूडचे अनेक कलाकार या अॅप प्रकरणाच ईडीच्या रडारवर आहेत.

अभिनेता रणबीर कपूरनंतर अनेक प्रसिद्ध बॉलिवूड कलाकार आणि गायक ईडीच्या रडारवर अनेक सेलिब्रिटींनी महादेव बुक अॅपची जाहिरात केल्याच उघड झालंय

रणबीर कपूर सोबकच कलाकार अमिषा पटेल, श्रद्धा कपूर, सोनाक्षी सिन्हा, इम्रान हाश्मी, बोमन इराणी, कॉमेडियन भारती सिंग आणि इतर गायकांसह महादेव अॅपची जाहिरात करणाऱ्या कलाकार आणि गायकांचे व्हिडिओ समोर

महादेव बुक अॅपची जाहिरात आणि प्रमोशन करणाऱ्या या अनेक कलाकार आणि गायकांना मोठी रक्कम मिळाल्याची सूत्रांची माहिती आहे. त्यामुळे हे कलाकार ईडीच्या रडारवर आहेत

महादेव गेमिंग अॅप काय आहे?

महादेव गेमिंग अॅप हे पोकर, कार्ड गेम, चान्स गेम्स, बॅडमिंटन, टेनिस, फुटबॉल यांसारख्या वेगवेगळ्या खेळांमध्ये बेकायदेशीर सट्टेबाजीसाठी प्रोत्साहन देते. तसेच क्रिकेटवर सट्टेबाजीसाठी व्यासपीठ प्रदान करतेय याशिवाय तीन पट्टी सारखे अनेक पत्ते खेळ खेळण्याची तरतूद करते.

महादेव अॅपची देखभाल करणारे लोक विविध इन्स्टंट मेसेजिंग प्लॅटफॉर्मवर अनेक छुपे गट चालवतात. या अॅपच्या माध्यमातून दररोज ₹ 200 कोटींचा नफा होण्याची शक्यता आहे.

महादेव अॅपचे अडचणीत कधी सापडलं?

छत्तीसगडच्या भिलाई येथील सौरभ चंद्राकर आणि रवी उप्पल हे महादेव अॅपचे मुख्य फाऊंडर आहेत. हे दोघे दुबईमधून त्यांचे ऑपरेशन चालवत आहेत.

हे अॅप अनेक पॅनलद्वारे चालवले जाते. चंद्रकर आणि उप्पल हे दोघे छोट्या फ्रँचायझीप्रमाणे इतर ठिकाणी हे विकतात.

महादेव अॅपच्या माध्यमातून एकतर फसव्या पद्धतीने अकाऊंट उघडली जातात किंवा कमिशनसाठी कर्ज दिले जातात.

काही आठवड्यांपूर्वी अशी बातमी आली होती की, चंद्राकरने दुबईत त्याच्या लग्नात ₹ 200 कोटी खर्च केले होते. लग्नासाठी नागपूरहून दुबईला जाण्यासाठी त्याने आपले कुटुंब आणि मित्रमंडळींना घेऊन जाण्यासाठी खाजगी विमान भाड्याने घेतले होते. त्यामुळे ईडीची नजर सौरभ आणि या अॅपचे प्रमोशन करणाऱ्या बॉलिवूड कलाकारांवर गेली आहे