महाराष्ट्राचे माननीय मुख्यमंत्री उद्धव ठाकरे(Chief Minister Uddhav Thackeray) यांनी 'मेजर'(Major) च्या टीमचे अभिनंदन केले आणि त्यांना पूर्ण सहकार्य करण्याचे आश्वासन दिले आहे. सिनेमाला रिलीज नंतर मिळालेलं प्रचंड यश आणि समीक्षकांच्या प्रशंसे सोबतच 'मेजर' ने जगभरात 55 कोटी रुपयांची कमाई केली. आदिवी शेष आणि सई मांजरेकर यांची सिनेमात मुख्य भूमिका आहे. या सिनेमाच्या संपूर्ण टीमनं मुख्यमंत्र्याची विशेष भेट घेतली आहे.(Maharashtra Chief Minister Uddhav Thackeray speaks about 'Major' Movie)

यावळी आदिवीने मेजर संदीप उन्नीकृष्णन फंडाची घोषणा केली, जो केवळ दिवंगत मेजरचा वारसा पुढे नेण्याचा प्रयत्न करत नाही, तर देशभरातील CDS आणि NDA इच्छुकांना मदत करण्याचा प्रयत्न देखील या माध्यमातून करणार आहे.

उद्धव ठाकरे यांच्याशी नुकत्याच झालेल्या भेटी दरम्यान, आदिवी यांनी मेजर संदीप उन्नीकृष्णन फंडाविषयी सविस्तर चर्चा केली, ज्यामध्ये मुख्यमंत्र्यांनी त्यांना पूर्ण पाठिंबा देण्याचे आश्वासन दिले. एवढेच नाही तर महाराष्ट्राचे माननीय मुख्यमंत्री उद्धव ठाकरे यांनी कलाकारांचे अशा पद्धतीच्या सिनेमात काम करण्यासाठी कौतुक केले आणि येणाऱ्या पिढ्यांना प्रेरणा देणाऱ्या अशा महत्त्वाच्या आणि समर्पक विषयावर चित्रपट बनवल्याबद्दल टीमचे अभिनंदन केले.

मुख्यमंत्री आणि त्यांच्या कुटुंबीयांशी संवाद साधताना चित्रपटाच्या टीमला खूप आनंद झाला, यावेळी काही जणांनी 26/11 च्या दुर्दैवी हल्ल्यादरम्यान अनुभवलेले त्यांचे वैयक्तिक अनुभव देखील शेअर केले. चित्रपटाची टीम लवकरच मुख्यमंत्री आणि त्यांच्या कुटुंबासाठी स्क्रीनिंगची व्यवस्था करणार आहे कारण मुख्यमंत्र्यांनी आता सिनेमा पाहण्याची इच्छा व्यक्त केली आहे.

आपल्या सोशल मीडियावर याचा संदर्भ देत, आदिवी यांनी लिहिले, “महाराष्ट्राचे माननीय मुख्यमंत्री श्री उद्धव ठाकरे यांना भेटण्याची अविश्वसनीय संधी. त्यांनी संरक्षण इच्छुकांसाठी आमच्या प्रमुख वचन निधीसाठी पूर्ण पाठिंबा देण्याचे वचन दिले. तो एक अविश्वसनीय क्षण होता. आमच्या चित्रपटाबद्दल अप्रतिम शब्दांबद्दल धन्यवाद सर. येत्या काही दिवसांत आम्ही संपूर्ण कुटुंबाला हा चित्रपट दाखवू. श्री @adityathackeray यांनाही भेटून आनंद झाला. #महेशमांजरेकर जी आमच्या प्रयत्नांना सेतू बनवल्याबद्दल धन्यवाद :)