Maharashtra Shaheer Box Office Collection: मराठी मनोरंजन विश्वात सध्या चर्चा आहे ती म्हणजे 'महाराष्ट्र शाहीर' सिनेमाची. महाराष्ट्रभर या चित्रपटाची दमदार हवा आहे. प्रेक्षक या चित्रपटाचे भरभरून कौतुक करत आहेत.

केदार शिंदे दिग्दर्शित या सिनेमात शाहीर साबळेंच्या भूमिकेत सुप्रसिद्ध अभिनेता अंकुश चौधरी झळकत आहे तर त्यांच्या पत्नीच्या भूमिकेत सना शिंदे आहे. तसेच अनेक दिग्गज कलाकारांनी या चित्रपटात काम केले आहे.

महाराष्ट्र शाहीर कृष्णराव साबळे यांचा जीवनपट उलगडणारा हा चित्रपट असून त्यांचा संघर्ष आणि कलेतील योगदान या चित्रपटातून दाखवले आहे. हा सिनेमा प्रेक्षकांच्या चांगलाच पसंतीस उतरला असून बॉक्स ऑफिस वर किती कमाई केली ते पाहूया..

(Maharashtra Shaheer Box Office Collection latest update kedar shinde ankush chaudhari)

'महाराष्ट्र शाहीर' या सिनेमाने सहा दिवसातच दणदणीत कमाई केली आहे. सहा दिवसात या चित्रपटाने एकूण 3.33 कोटींची कमाई केली आहे. रिलीजच्या पहिल्या दिवशी या मराठी सिनेमाने ३० लाखांची कमाई केली. तर दुसऱ्या दिवशी या सिनेमाने 55 लाखांची कमाई केली.

तिसऱ्या दिवशी ६० लाख कमावले. चौथ्या दिवशी अर्थात 'महाराष्ट्र दिना'च्या दिवशी या सिनेमाच्या कमाईत आणखी वाढ झाली. या सिनेमाने त्या एका दिवसात 1.03 कोटींची कमाई केली.

पाचव्या दिवशी 34 लाख आणि सहाव्या दिवशी 31 लाख इतकी कमाई केली. अशाप्रकारे आतापर्यंत रिलीजच्या सहा दिवसांत या सिनेमाने 3.33 कोटींचा गल्ला जमवला आहे. 

अंकुशला आपण आजवर सिनेमा,नाटक आणि मालिका अशा तिन्ही माध्यमांमध्ये वेगवेगळ्या रुपात भेटलोय. गेल्या अनेक वर्षांमध्ये अंकुश चौधरीने महाराष्ट्र शाहीर हा केलेला पहिला बायोपिक आहे. अंकुशची प्रमुख भूमिका असलेला आणि केदार शिंदेंनी दिग्दर्शित केलेला महाराष्ट्र शाहीर सिनेमा बॉक्स ऑफिसवर चांगलाच गाजला आहे.