Vanita Kharat Podccast: 'महाराष्ट्राची हास्यजत्रा' हा कार्यक्रम सध्या घराघऱात पाहिला जातो. या कॉमेडी शो मधील सगळेच कलाकार सध्या लोकांच्या मनावर राज्य करतात. विशाखा सुभेदार,ओंकार भोजने या कलाकारांनी हास्यजत्रा सोडली तेव्हा खूप चर्चा रंगलेली पहायला मिळाली. त्यांचे चाहते नाराज झालेले देखील दिसले. पण शो मस्ट गो ऑन...

हास्यजत्रा या शो च्या निमित्तानं ईसकाळनं नुकताच संवाद साधला तो अभिनेत्री वनिता खरात हिच्याशी. वनिता हे सध्या शो मधलं चर्चेतलं नाव आहे. सोशल मी़डियावर देखील ती भलतीच ट्रेन्डिंगला आहे.

ईसकाळला दिलेल्या मुलाखतीत वनितानं हास्यजत्रेतील स्कीट दरम्यानचे काही सीक्रेट्स,..आपलं पहिलं ऑडिशन,.ओंकार भोजनेचं शो सोडून जाणं अशा अनेक गोष्टींवर मनमोकळा संवाद साधला आहे. (Maharashtrachi Hasyajatra Fame Vanita Kharat Podcast)

वनिता खरात सध्या सोशल मीडियावर सक्रिय पहायला मिळते. ती अनेकदा पोस्ट करते त्या सोशल मीडियावर जोरदार व्हायरल होताना दिसतात. सोशल मीडियावरील ट्रोलिंगला घेऊन वनितानं या पॉडकास्ट मुलाखतीत स्पष्ट मत व्यक्त केलं आहे.

वनितानं सुंदरता म्हणजे नेमकं काय याची आपली अशी एक व्याख्या सांगताना महिलांना स्वतःकडे पाहण्याचा एक सकारात्मक दृष्टिकोन दिला आहे. हास्यजत्रेमुळे प्रसिद्धि मिळाली पण रिजेक्शन आजही वाट्याला येतं तेव्हा नेमकं आपण काय करतो यासंदर्भातही वनितानं भाष्य केलं आहे. तेव्हा ते ऐकण्यासाठी आपल्याला बातमीत जोडलेली मुलाखतीची लिंक नक्की ऐका.

ओंकार भोजने अन् वनिताची घनिष्ट मैत्री आहे. नुकताच हास्यजत्रा सोडल्यानंतर ओंकार वनिताच्या सासरी तिला भेटायला आणि शुभेच्छा द्यायला गेला होते तेव्हाचा व्हिडीओ व्हायरल झाला होता .

पॉडकास्ट मुलाखतीत वनितानं ओंकारनं हास्यजत्रा सोडण्यामागचं काय कारण असू शकतं हे सांगतानाच ज्यावेळी ओंकारनं पहिल्यांदा तिला त्याचा निर्णय सांगितला होता तेव्हा ती त्याला काय म्हणाली होती हे देखील शेअर केलं आहे.