मुंबई - आपल्या हटकेपणामुळे नेहमीच प्रेक्षकांचं लक्ष वेधून घेणारी मलायका malaika arora ही सोशल सेलिब्रेटी झाली आहे. ती नेहमीच वेगवेगळ्या प्रकारचे फोटो आणि व्हिडिओ पोस्ट करत असते. त्यालाही प्रेक्षकांचा मोठ्या प्रमाणावर प्रतिसाद मिळताना दिसत आहे. आता मलायका चर्चेत आली आहे ते तिच्या एका वेगळ्या पोस्टमुळे. गेल्या काही दिवसांपासून तिच्या आणि अर्जुन कपूरच्या arjun kapoor नावाची चर्चा आहे. त्यांनी अद्याप लग्न करण्याचा निर्णय घेतलेला नाही. मात्र ते लवकरच लग्न करणार असल्याचेही बोलले जात आहे. त्यावर या दोन्ही सेलिब्रेंटीकडून कुठलीही प्रतिक्रिया आलेली नाही.

अभिनेत्री मलायकाची यापुढील काळात अपत्य जन्माला न घालता ते दत्तक घेण्याची इच्छा व्यक्त केली आहे. त्यावरुन तिला वेगवेगळ्या प्रकारच्या कमेंट तिच्या चाहत्यांनी दिल्या आहेत. तिला ट्रोलिंगलाही सामोरं जावं लागलं आहे. विशेष म्हणजे आपण मुलगी दत्तक घ्यावी की नको याविषयी आपल्या मुलाशी म्हणजे अरहानशी चर्चाही केली आहे. तिचं म्हणणं आहे की, मला जर मुलगी असती तर मी तिला चांगल्या परिवाराशी नातं जोडून दिलं असतं. तिची उणीव मला नेहमीच जाणवते.

मलायकाचं आणि अरहानचं बाँडिंग चांगलं आहे. त्यामुळे त्यांच्यात वेगवेगळ्या गोष्टींवर चर्चा होत असते. तिला आता मुलगी दत्तक घ्यायची आहे. अरहान हा अरबाज खान आणि मलायकाचा मुलगा आहे. मलायका आणि अरबाजचा 2017 मध्ये घटस्फोट झाला. मलायकाचे म्हणणे आहे की, तिच्या अनेक मित्रांनी अपत्य दत्तक घेतले आहे. मुलं ही आपल्या आयुष्यामध्ये आनंद घेऊन येतात. मी जेव्हा अरहानशी चर्चा करते तेव्हा त्याच्याकडून अनेक गोष्टी शिकायला मिळते. त्यामुळे मला विचार करण्यासाठी योग्य दिशाही मिळत असल्याची प्रतिक्रिया मलायकानं दिली आहे.

मी अशा कुटूंबातून आले आहे ज्या कुटूंबात मुली होत्या. त्यामुळे मलाही मुलगी हवी आहे. तिची उणीव मला नेहमीच भासते. यासाठी मला आता एक मुलगी दत्तक घ्यायची आहे. मला एक बहिणही आहे. तिच्याशीही मी अनेक गोष्टी शेयर करत असते. यावेळी तिनं अरबाज खानशी घटस्फोट झाल्यानंतर अरहानशीही चर्चा केली होती. असंही मलायकानं यावेळी सांगितलं.