ज्येष्ठ मळ्यालम अभिनेते आणि माजी खासदार इनोसेंट यांचं मध्यरात्री उपचारा दरम्यान निधन झालं आहे. इनोसेंट यांनी वयाच्या 75 वर्षी अखेरचा श्वास घेतला. इनोसेंट यांची एका खासगी रुग्णालयात उपचारादरम्यान प्राणज्योत मालवली आहे.

रुग्णालय प्रशासनाकडून देण्यात आलेल्या माहितीनुसार, इनोसेंट यांना कोरोना, श्वसनाचा आजार, अवयव निकामी झाल्याने हृद्याचा झटका आला आणि त्यामुळे त्याचं निधन झालं. इनोसेंट यांच्या निधनाने राजकीय विश्वावर आणि सिनेसृष्टीवर शोककळा पसरली आहे.

इनोसेंट यांची गेल्या काही महिन्यांपासून प्रकृती स्थिर नव्हती. इनोसेंट यांना आधी कॅन्सर झाला होता. मात्र त्यांनी कॅन्सरवर यशस्वीरित्या मात केली होती. मात्र श्वसनासंदर्भात त्रास होत असत्याने त्यांना 3 मार्च रोजी खासगी रुग्णालयात दाखल करण्यात आलं होतं.

इनोसेंट यांची अनेक दिवसांची मृत्यूसोबतची झुंज अपयशी ठरली. मिळालेल्या माहितीनुसार, इनोसेंट यांनी रविवारी (काल 26 मार्च रोजी) रात्री 10.30 च्या दरम्यान जगाचा निरोप घेतला. इनोसेंट यांच्या पश्चात त्यांची पत्नी आणि मुलगा सॉनेट असा परिवार आहे.

इनोसेंट यांनी पृथ्वीराज सुकुमारन यांच्या 2022 मध्ये आलेल्या कडुवा सिनेमात अभिनय केला होता. इनोसेंट यांचा हा अखेरचा सिनेमा ठरला.

तर देशात 2014 मध्ये मोदी लाट होती. या काळात दिग्गज आणि माजी मुख्यमंत्र्यांना पराभवाचा सामना करावा लागला होता. मात्र इनोसेंट लोकसभा निवडणुकीत विजयी झाले होते.