Malayalam Actor Joy Mathew: चित्रपट सृष्टीतील एक धक्कादायक बातमी समोर आली आहे. मल्याळम चित्रपट सृष्टीतील लोकप्रिय अभिनेता आणि दिग्दर्शक जॉय मॅथ्यू याचा अपघात झाला आहे. सोमवारी रात्री केरळच्या त्रिशूर जिल्ह्यात महामार्गावर प्रवास करतांना त्यांच्या कारचा अपघात झाला. या अपघात ते जखमी झाले आहेत. या अपघाताबद्दल पोलिसांनीही माहिती दिली.

मंडलमाकुन्नू येथील चवक्कड-पोन्नानी महामार्गावर मॅथ्यू यांच्या कारने पिकअप व्हॅनला धडक दिली. त्यामुळे हा अपघात झाला. या धडकेत मॅथ्यू आणि व्हॅनचा चालक हे जखमी झाले आहे.

या अपघाताबद्दल एका पोलिस अधिकाऱ्याने मीडियाला दिलेल्या माहीतीनुसार, "मॅथ्यूचा ही ड्रायव्हर कार चालवत होता. त्यावेळी हा अपघात झाला. यात मॅथ्यूच्या नाकाला दुखापत झाली आहे, तर व्हॅन चालकाच्या पायाला गंभीर दुखापत झाली आहे. अपघातानंतर पिकअप व्हॅनचा चालक वाहनात अडकला होता, त्याला अग्निशमन विभागाने स्थानिकांच्या मदतीने बाहेर काढले. सध्या दोघांची प्रकृती स्थीर आहे.

जॉय मॅथ्यूने अनेक पुरस्कारावर आपलं नाव कोरलं आहे. तो अलीकडेच त्याच्या वक्तव्यांमुळे चर्चेत होता. तो टीकात्मक भूमिकेमुळे आणि सरकारविरोधात केलेल्या टिप्पण्यांमुळे तो कायम चर्चेत असतो.

. "अन्नयुम रसूलम," "आमेन," "हनी बी," "राजाधी राजा," "मुन्नरीयप्पू," "यूटोपियाइले राजावू," "पथेमारी," "जमना प्यारी, यांसारख्या इतर अनेक चित्रपटांमध्ये त्यांच्या भुमिका लोकप्रिय आहेत. "लोहम," "चार्ली," "किंग लायर," "पुथन पानम," "दृश्यम 2," "कनकम कामिनी कलाहम," आणि बऱ्याच चित्रपटात त्याने काम केले आहे. 2012 मध्ये त्याने "शटर" चित्रपटासह दिग्दर्शनात पाऊल ठेवले.