झी मराठी वरील 'मन उडू उडू झालं'(Man Udu Udu Zala) ही मालिका सुरुवातीपासून प्रेक्षकांच्या पसंतीस उतरली आहे. या मालिकेचं उडत्या चालीचे टायटल ट्रॅक असो किंवा त्यातील इंद्रा(Indra) आणि दीपू(Deepu) या मध्यवर्ती भूमिका असोत किंवा देशपांडे गुरुजी,सानिका,दीदी,इंद्राचा खास मित्र सत्तू,कार्तिक अशा अनेक इतर व्यक्तिरेखा असोत सगळ्यांनीच घराघरातील प्रेक्षकांच्या मनात आपलं स्थान पक्क केलंय. त्यात इंद्रा आणि दीपू च्या भूमिका तर लोकांना विशेष आवडत आहेत,ते मालिकेगणिक त्यांच्या भूमिकेचा रंगणारा ग्राफ पाहून. ईसकाळ पॉडकास्टसाठी नुकतीच या मालिकेत इंद्राची भूमिका साकारणाऱ्या अजिंक्य राऊतची मुलाखत घेतली गेली. त्या मुलाखतीत त्यानं केवळ आपल्या सिनेकरिअरविषयीच नाही तर वैयक्तिक आयुष्याविषयीही मनमोकळा संवाद साधला आहे. या मुलाखतीतलं विशेष आकर्षण म्हणजे आपल्या लाडक्या इंद्राची भूमिका साकारणाऱ्या अंजिक्यच्याच तोंडून त्याच्या खऱ्या आयुष्यातील दीपूविषयीचा खुलासा ऐकणं. त्या पॉडकास्ट मुलाखतीची लिंक आम्ही इथं बातमीत जोडत आहोत.

माझ्यावर टीका करणाऱ्यांमुळे मी अभिनेता म्हणून घडलो ,घडत आहे याविषयी सांगताना अजिंक्यने एक विशेष गोष्ट नमूद केली ती ऐकण्यासारखी आहे. त्यानं त्याच्या मोठ्या ताईविषयी एक खुलासा केला आहे. माझ्या घरातच माझे टीकाकार आहेत याविषयी सांगताना त्याने अनेक किस्से उदाहरणादाखल दिले. 'मन उडू उडू' मालिकेतील मी साकारलेला इंद्रा पाहिल्यावर घरच्यांची अवस्था त्याला पाहून काय झाली होती याविषयीही अजिंक्य बोलला आहे. बातमीत जोडलेल्या पॉडकास्ट मुलाखतीत हे सगळे किस्से,खुलासे ऐकता येतील.

याच पॉडकास्ट(Podcast) मुलाखतीत इंद्रान त्याच्या खऱ्या आयुष्यातील दीपू संदर्भातही मोठा खुलासा केला आहे. रोमॅंटिक होणं आपल्याला आवडतं हे सांगताना त्यानं रोमान्स कसा करावा याच्या अनेक स्वतःला आवडणाऱ्या पद्धतींचा खुलासा केला आहे. आता तो नेमकं काय बोलला आहे हे ऐकायला मात्र आपल्याला 'मन उडू उडू' मालिकेत तुमचं आवडतं पात्र इंद्रा साकारणाऱ्या अजिंक्य राऊतची बातमीत जोडलेली पॉडकास्ट मुलाखत ऐकावीच लागेल.