Ajinkya Raut: छोट्या पडद्यावरील ‘मन उडू उडू झालं’ (Man Udu Udu Zhala) या मालिकेमुळे अजिंक्य राऊतला (Ajinkya Raut) लोकप्रियता मिळाली. आता अजिंक्यचा कन्नी हा चित्रपट प्रेक्षकांच्या भेटीला येणार आहे. अजिंक्य हा सोशल मीडियावर त्याच्या आगामी चित्रपटांची माहिती देत असतो. तसेच अजिंक्य सोशल मीडियावर चाहत्यांनी विचारलेल्या प्रश्नाची देखील उत्तरं देत असतो. नुकताच एका चाहत्यानं अजिंक्यला त्याच्या वैयक्तिक आयुष्याबद्दल विचारलं. या प्रश्नाला अजिंक्यनं दिलेल्या उत्तरानं अनेकांचे लक्ष वेधले आहे.

चाहत्यानं विचारला प्रश्न

नुकतेच अजिंक्यनं सोशल मीडियावर Ask Me Anything हे सेशन केलं. यामध्ये अनेक चाहत्यांनी अजिंक्यला विविध प्रश्न विचारले. एका चाहत्यानं अजिंक्यला प्रश्न विचारला, " “सध्या तुझी कोणी क्रश किंवा गर्लफ्रेंड आहे का?"

अजिंक्यचं उत्तर

चाहत्यानं विचारलेल्या प्रश्नाला अजिंक्यनं हटके पद्धतीनं उत्तर दिलं आहे. अजिंक्यनं चाहत्याच्या प्रश्नाला उत्तर दिलं, “माझी नवीन गाडी. मी माझ्या आयुष्यात आनंदी आहे.”अजिंक्यच्या या उत्तरानं अनेकांचे लक्ष वेधले आहे.

अजिंक्यनं काही दिवसांपूर्वी नवीन कार घेतली आहे. या कारचा व्हिडीओ अजिंक्यनं शेअर केला.अजिंक्यनं शेअर केलेल्या व्हिडीओला कमेंट्स करुन अनेकांनी अजिंक्यला शुभेच्छा दिल्या.

अजिंक्यचा आगामी चित्रपट

‘मन उडू उडू झालं’ या मालिकेतील अजिंक्य आणि अभिनेत्री हृता दुर्गुळे यांच्या केमिस्ट्रीला प्रेक्षकांची विशेष पसंती मिळाली. आता अजिंक्य आणि हृता यांचा कन्नी हा चित्रपट प्रेक्षकांच्या भेटीला येणार आहे. हा चित्रपट आठ मार्च रोजी प्रेक्षकांच्या भेटीला येणार आहे. या चित्रपटाची प्रेक्षक उत्सुकतेने वाट बघत आहेत.