मुंबई : आर. माधवनची प्रमुख भूमिका असलेल्या ‘ब्रीद’(Breathe) या वेबसिरीजचा पहिला सिझन खूप गाजला. आता दुसरा सीझन येत आहे आणि त्यामध्ये अभिषेक बच्चनबरोबर हृषिकेश जोशी महत्वाच्या भूमिकेत दिसणार आहे. पहिल्या सीझनमधील हृषिकेशच्या कामाचे सर्व प्रेक्षकांनी खूप कौतुक केले. त्यामुळे  दुसऱ्या सिझनमध्ये हृषिकेशच्या भूमिकेमध्ये काही चांगले बदल करून ती महत्वाची केली गेली आहे. दुसऱ्या सिझनमध्ये हृषिकेशचा इन्स्पेक्टर प्रकाश अक्षरशः धमाल करणार आहे. हा सीझन अॅमॅझॉनवर प्राईमवर १० जुलै रोजी दाखल होत आहे.

नक्की वाचा : संयम आणि संघर्षातून जगण्याची नवी उमेद देणारी 'सिंधू'

ॲबंडंशिया एन्टरटेन्मेंटची निर्मिती आहे. मयांक शर्मा दिग्दर्शक आहेत. भवानी अय्यर, विक्रम टुली आणि अर्षद सय्यद यांनी या मालिकेचे लेखन केले आहे. ऋषिकेश सांगतो, की ‘ब्रीद -2’  या सिझनचे जे ट्रायल शो झाले, त्यावेळी हृषिकेश जोशीच्या इन्स्पेक्टर प्रकाशच्या व्यक्तिरेखेला प्रेक्षकांची खूप मोठी दाद मिळाली. दुसऱ्या सिजनमधील कोणत्या व्यक्तिरेखा तुम्हाला तिसऱ्या सिझनमध्ये पाहायला आवडतील ? असा प्रश्न  एका सर्वेक्षणात प्रेक्षकांना विचारला असता, हृषिकेश जोशीचं नाव पहिल्या दोनात आलेलं आहे.

हे ही वाचा : भारत-चीन तणाव : अमीर खानच्या 'त्या' बहुचर्चित सिनेमाचं लडाखमधील चित्रीकरण रद्द

तो पुढे म्हणाला, की अलीकडे आम्ही सिझन दोनच्या भागांचे डबिंग करत होतो. त्यावेळी मला अभिषेक बच्चन म्हणाले, की तुझे कॅरेक्टर हे या सीजनमधील सरप्राईझ पॅकेज असणार आहे. माझ्यासाठी ही  सर्वात मोठी कॉम्प्लीमेंट होती. या सिझनच्या चित्रिकरणादरम्यान माझी आणि अभिषेक बच्चन यांची खूप चांगली मैत्री झाली. आम्ही एकत्रच जेवायचो,  सेटवर खूप क्रिकेट खेळायचो. खूप गप्पा मारायचो. ते खूप गप्पिष्ट आहेत,  त्यांना गोड खूप आवडते आणि मलाही. त्यांनी एकदा खास माझ्यासाठी जयाजींनी बनविलेला गाजराचा हलवा आणला होता. 

Marathi actor to appear in season 2 of Breath had a strong impression in season 1