Hardeek Joshi News: हार्दीक जोशी हा सध्या झी मराठीवरील जाऊ बाई गावात या शोचं सुत्रसंचालन करतोय. हार्दीकचा हा शो सध्या चांगलाच चर्चेत आहे. नवीन शो आणि आगळीवेगळी संकल्पना असलेला हा शो सध्या प्रेक्षकांच्या चांगल्या पसंतीस उतरला आहे.

हार्दीक जोशीने या शोनिमित्त एका मुलाखतीत एक भावूक किस्सा शेअर केलाय. काय म्हणाला हार्दीक बघा.

जाऊ बाई गावात हा शो स्वीकारताना हार्दीक जोशीच्या घरच्यांची काय प्रतिक्रिया होती? याबद्दल हार्दीक म्हणाला, "माझ्यासाठी हा शो माझ्या हृदयाच्या अगदी जवळचा आहे . माझी वाहिनी खूप आजारी होती आणि मी ह्या शो मधून आपले पाऊल मागे घेत होतो. पण जेव्हा माझ्या वाहिनीला समजले की मी 'जाऊ बाई गावातला' नकार द्यायला जात होतो, तेव्हा हॉस्पिटल मध्ये तिने तिच्या हातात माझा हात घेतला आणि माझ्याकडून वचन घेतले की हा शो तू सोडायचा नाही."

हार्दीक जोशी पुढे म्हणाला, "कारण वहिनीला माहिती आहे की, मी कामातून कधी माघार घेत नाही, तर तिचं म्हणणं होते की जी गोष्ट आज पर्यंत नाही केली ती ह्या पुढे ही करायची नाही. हा शो मी फक्त तिच्यामुळे करतोय आणि योगायोग असा कि 'जाऊ बाई गावातचा' पहिला एपिसोड तिच्या वाढदिवसाच्या दिवशी प्रसारित झाला. पण मला नेहमी खंत राहील की कार्यक्रमाचा पहिला एपिसोड बघायला ती ह्या दुनियेत नव्हती. मी माझ्या प्रत्येक दिवसाची सुरूवात तिला नमस्कार करून करतो."

झी मराठीवरील जाऊ बाई जोरात हा आगळावेगळा रिअॅलिटी शो सोमवार ते शनिवार रात्री ९.३० वाजता झी मराठीवर बघायला मिळतोय.

तुझ्यात जीव रंगला फेम हार्दीक जोशी या शोचं सूत्रसंचालन करतोय. सध्या झी मराठीवरील या आगळ्यावेगळ्या शोला प्रेक्षकांची चांगली पसंती मिळतेय.