Hemangi Kavi News: हेमांगी कवी हि मराठी मनोरंजन विश्वातील आघाडीची अभिनेत्री. हेमांगीने आजवर अनेक मालिका, वेबसिरीज, सिनेमांमधून स्वतःच्या अभिनयाची चुणूक दाखवली. हेमांगी अभिनयात जितकी अव्वल आहे तितकीच ती सोशल मीडियावर ऍक्टिव्ह असते. हेमांगीची एक नवीन पोस्ट सोशल मीडियावर व्हायरल झालीय. हेमांगीला तिच्या सावळ्या रंगामुळे मालिकेतून काढून टाकल्याची धक्कादायक गोष्ट घडली आहे.

(marathi actress Hemangi kavi face racism, reveals the 'black' truth of cinema)

हेही वाचा: What is Moksha: ‘अण्णा तुमच्या गुरूला मिळाला का मोक्ष?’

हेमांगीने एका मुलाखतीत खुलासा केलेला की.. मला माझ्या सावळ्या रंगावरून खूपदा रिजेक्शन मिळालंय. एका चॅनलवाल्याने तर मला सांगितलं की आमच्या संपूर्ण हिस्ट्री मध्ये आमची हिरोईन काळी नाहीये. यानंतर मी ओके म्हणून बाजूला झाले कारण मी नेहमीप्रमाणे त्यांना यात त्यांचंच नुकसान आहे असे म्हणून स्वतःला समजावले.

हेमांगी पुढे म्हणाली... २१ व्या शतकात देखील रंगावरून वर्णभेद होतो हे खूपच धक्कादायक आहे. पण त्यानंतर मात्र इंडस्ट्रमध्ये सावळ्या मुलींचा ट्रेंड आला.

मी आता मालिका चित्रपटातून प्रसिद्धी मिळवली पण माझं आयुष्य एका सामान्य व्यक्तिप्रमाणेच राहिलं आहे. मी सर्वसामान्यांसारखी लाईनमध्येच उभी राहते त्यात मला कोणी ओळखतही नाही.

माझी सासू नेहमी माझ्या बाजूने बोलते. बिल्डिंगमधली लोकं जेव्हा तुमची सून सकाळी दहा वाजेपर्यंत झोपते असे म्हटले जाते तेव्हा माझी सासू त्यांना खमक्या आवाजात म्हणते की, ती शूटिंगवरून रात्री १२ वाजता आलीय.

अशाप्रकारे रंगावुन हेमांगीला इंडस्ट्रीमध्ये कसा वर्णभेद सहन करावा लागला याचा खुलासा झालाय. हेमांगीने स्वतःच्या अभिनयाच्या जोरावर पुढे अनेक प्रोजेक्ट्समधून स्वतःची छाप पाडली. हेमांगी स्त्रीवादी दृष्टिकोन डोळ्यासमोर ठेवून अनेक पोस्ट्स लिहिल्या आहेत.