Hemangi Kavi New Year Wishes: आजपासून नवीन वर्षाला सुरुवात झालीय. अनेकांनी २०२३ ला आनंदात निरोप देऊन २०२४ चं उत्साहात स्वागत केलंय. मनोरंजन विश्वातील अनेक कलाकार त्यांच्या चाहत्यांना नवीन वर्षाच्या शुभेच्छा देत आहेत.

अशातच मराठमोळी अभिनेत्री हेमांगी कवीने न्यू इयरच्या शुभेच्छा देताना खास पोस्ट लिहीली आहे. काय म्हणाली हेमांगी? वाचा पुढे.

हेमांगी कवीने दिल्या न्यू इयरच्या शुभेच्छा

हेमांगीने सोशल मीडियावर पोस्ट करुन लिहीलंय की, "Happy New Year! नवीन वर्षाच्या शुभेच्छा! नये साल की ढेर सारी शुभ कामनाएं! त.टी. : आज आपलं मराठी नववर्ष नाही वगैरे lecture please नको. चैत्र महीन्यातलं मराठी नववर्ष आम्ही खुप दणक्यात, आनंदाने, उत्साहाने आणि अभिमानाने साजरं करतो. पण तुर्तास व्यवहारी जगातल्या नविन वर्षाच्या तुम्हांला अनेकानेक शुभेच्छा!"

हेमांगी कवीचं वर्कफ्रंट

मराठी अभिनेत्री हेमांगी कवी सध्या विविध माध्यमांमधून प्रेक्षकांचं मनोरंजन करतेय. हेमांगीने २०२३ मध्ये एका जाहीरातीच्या माध्यमातून महानायक अमिताभ बच्चन यांच्यासोबत काम केलं.

याशिवाय हेमांगी सध्या कैसे मुझे तुम मिल गए या हिंदी मालिकेत काम अभिनय करत आहे. हेमांगीची ही मालिका सध्या चांगलीच चर्चेत आहे.