मुंबईत आपलं हक्काचं घर असावं, हे अनेकांचं स्वप्न असतं. हे स्वप्न पूर्ण करणं सहजशक्य नाही. त्यासाठी काहीजण आपली आयुष्यभराची जमापुंजी घरासाठी देतात, तर काहीजण वर्षानुवर्षे मेहनत करून स्वत:चं घर खरेदी करतात. हीच स्वप्नांची गुरुकिल्ली आता एका मराठी अभिनेत्रीला मिळाली आहे. 'फ्रेशर्स' मालिकेतील अभिनेत्री रश्मी अनपट हिने मुंबईत हक्काचं घर विकत घेतलं आहे. सोशल मीडियावर फोटो पोस्ट करत तिने चाहत्यांना ही आनंदाची बातमी सांगितली. 

'ही फक्त चावी नाहीये, आमच्या स्वप्नांची गुरुकिल्ली आहे. आमच्या संघर्षाचं, यशाचं, प्रेमाचं, आनंदाचं आणि सुखी संसाराचं प्रतीक. अनेक गोड आठवणी निर्माण करणारी.. आमच्या स्वतः च्या, हक्काच्या मुंबईतील पहिल्या घराची चावी,' अशी पोस्ट तिने लिहिली आहे. यासोबतच तिने घराच्या चावीचा फोटो पोस्ट केला आहे. रश्मीने पती अमित खेडेकर व मुलासोबत गृहप्रवेश करतानाचा व्हिडीओसुद्धा पोस्ट केला आहे. 

हेही वाचा : मिथुन चक्रवर्ती यांच्या सुनेचं फोटोशूट व्हायरल; लाइक्स-कमेंट्सचा वर्षाव

हेही वाचा : दिया मिर्झाची नव्याने सुरुवात; पाहा लग्नसोहळ्यातील खास क्षण

रश्मीने डिसेंबर २०१३ मध्ये अभिनेता अमित खेडेकरशी लग्नगाठ बांधली. या दोघांना एक मुलगा आहे. रश्मीने 'फ्रेशर्स', 'पुढचं पाऊल' यांसारख्या मालिकांमध्ये भूमिका साकारल्या आहेत. तर अमितने 'हिरकणी' या चित्रपटात महत्त्वपूर्ण भूमिका साकारली होती.