Sai Lokur Mother News: मराठी मनोरंजन विश्वातील लोकप्रिय अभिनेत्री सई लोकूर आई झाली आहे. गेल्या अनेक दिवसांपासुन सईचे प्रेग्नंसी फोटोशूट चर्चेत होते. आता नुकतंच सईने सोशल मीडियावर आई झाल्याची गुड न्यूज सर्वांसोबत शेअर केलीय. सईला कन्यारत्न प्राप्त झाले असून आज १७ फेब्रुवारीला सईने मुलीला जन्म दिलाय.

सईने सोशल मीडियावर शेअर केली गुड न्यूज

"बाळ सुदृढ, सुंदर असुन ती जन्माला येताच अनेकांचं तिला प्रेम मिळालंय. या काळात तुम्ही आमच्यावर जो प्रेमाचा वर्षाव केला आणि पाठिंबा दिला, त्याबद्दल मी ऋणी आहे. आम्ही खुप आनंदात आहे. आई - बाबा झालेले सई - तीर्थदीप."

अशी पोस्ट करत सईने ही आनंदाची बातमी सर्वांसोबत शेअर केलीय

आई आणि बाळ दोघेही ठीक

सई लोकूरच्या सोशल मीडिया टीमने पोस्ट केलीय की, "एका छोट्या चेहऱ्यावर देवाचा आशिर्वाद. आमच्या बाळाच्या आगमनाची घोषणा करताना आम्हाला खूप आनंद होत आहे. आई आणि बाळ दोघेही ठीक आहेत. सर्व प्रेम आणि शुभेच्छांसाठी धन्यवाद." अशी पोस्ट सईच्या सोशल मीडिया टीमने शेअर केलीय. सईला कन्यारत्न प्राप्त झाल्याबद्दल अनेक कलाकारांनी आणि तिच्या चाहत्यांनी कमेंटमध्ये तिचं अभिनंदन केलंय

एक विलक्षण योगायोग

दरम्यान सईला मुलगी झाल्याने तिचा काही दिवसांपुर्वीचा व्हिडीओ चर्चेत आलाय. सई लोकुरने सोशल मीडियावर डोहाळेजेवणाचा व्हिडीओ शेअर केला होता. त्यावेळी सईच्या समोर दोन वाट्या ठेवल्या होत्या. एका वाटीत गुलाबजाम असतो तर दुसऱ्या वाटीत खीर होती. सईने त्यावेळी जी वाटी उचलली त्यात खीर होती. आणि आज सईला मुलगी झाल्याने असा योगायोग जुळून आलाय.