Bigg Boss Marathi: बिग बॉस मराठीच्या घरात राखी आल्यापासून सदस्यांसोबत ती बरीच धम्माल मस्ती करताना दिसत आहे. कधी ती सदस्यांना आपल्या तालावर नाचायला भाग पाडतेय तर कधी कोणाला आपल्या प्रेमात पडायची जबरदस्ती देखील करताना दिसतेय. आता राखीच ती... काय करेल याचा नेम नाही. राखीच्या बॉयफ्रेंडचा तसा पाहिला तर एक इतिहास आहे. आता बिग बॉस मराठीच्या घरातही तिनं आपले प्रेमाचे रंग दाखवायला सुरुवात केली आहे. चला,सविस्तर जाणून घेऊया नेमकी कोणासोबत राखी फ्लर्ट करतेय ते?(Rakhi Sawant flirt with prasad, bigg boss marathi 4)

तर बिग बॉस मराठीच्या घरात राखी प्रसाद सोबत फ्लर्ट करताना दिसणार आहे. त्याचं झालं असं की, राखी बोलता बोलता प्रसादकडे गेली आणि... प्रसादने राखीची माफी मागितली. प्रसाद म्हणाला,''माझी आई... राखी मी तुझ्या पाया पडतो... मला माफ कर''. त्यावर अमृता देशमुख म्हणाली, ''काय प्रसाद कसला बोर आहेस तू... '', राखी प्रसादला म्हणाली, ''काय झालं तुझ्या हृदयात? धकधक करने लगा क्या?'' असा एकंदरीत हा सगळा सीन बिग बॉसच्या घरात घडला. आता तुम्ही म्हणाल यात काय. अहो,पण ड्रामा क्वीन राखी अशीच तर वागते तिच्या प्रत्येक बॉयफ्रेंडसोबत...म्हणजे कुठे तरी पाणी मुरतंय... नाही का...

राखी आणि प्रसादच्या संवादाला मध्येच फोडणी देत अक्षय म्हणाला, ''त्याच्या हृदयात घोडा धावायला लागला बघ...'', प्रसाद म्हणाला,''आज दहन करणार आहे मी तो घोडा...'', अमृता देशमुख म्हणाली, ''कितना अच्छा मौका था यार...'', तेवढ्यात प्रसादच्या जवळ उगाचच घुटमळणाऱ्या राखीला प्रसाद म्हणाला, ''हिच्या अंगावर पड...'', तेव्हा राखी म्हणाली, ''मी मुलींच्या अंगावर नाही पडत...'' आता अशा पद्धतीनं राखीनं प्रसाद सोबत फ्लर्ट करायला सुरुवात केली आहे. त्यात बिचारा प्रसाद फसला नाही म्हणजे मिळवली. पण आता राखीचा हा नवा ड्रामा घरात गमतीशीर प्रसंग निर्माण करणार आणि प्रेक्षकांचेही मनोरंजन होणार यात शंका नाही.

हेही वाचा: First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने

बघूया पुढे अजून काय झालं घरात. जाणून घेण्यासाठी बघत राहा बिग बॉस मराठी सिझन चौथा सोम ते शुक्र रात्री १० वा आणि शनि - रवि रात्री १० वा आपल्या कलर्स मराठीवर.