बॉलिवूडमध्ये देओल कुटुंबात सध्या आनंदाचे वातावरण आहे. सनी देओलच्या 'गदर 2' या चित्रपटाने हिंदी बॉक्स ऑफिसवर 500 कोटींची कमाई केली आहे. नुकतीच गदर 2 ची सक्सेस पार्टी झाली. या पार्टीला सर्व तारेतारका उपस्थित होते. देओल कुटुंबात आनंदाचं वातावरण असताना कुटुंबावर दुःखाचा डोंगर कोसळला आहे.

बॉबी देओलची सासू मर्लिन अहूजा यांच्या निधनाची बातमी समोर आलीय. त्यामुळे आनंदाच्या वातावरणात देओल कुटुंबावर दुःखाचं सावट आलंय.

(Marlene Ahuja passed away bobby deol mother in law)

देओल कुटुंबातील दुःखाचा डोंगर कोसळला

Indiatoday च्या रिपोर्टनुसार, बॉबी देओलची सासू मर्लिन आहुजा यांचे निधन झाले आहे. बॉबी देओलची पत्नी तान्या आहुजा आईच्या निधनाने शोकसागरात बुडाली आहे.

रिपोर्ट्समध्ये असं म्हटलं जात आहे की, तान्याची आई मर्लिन बऱ्याच दिवसांपासून आजारी होती. अखेर मर्लिन आहुजांची रविवारी म्हणजेच २ सप्टेंबर रोजी जीवनाशी झुंज अपयशी ठरली. प्रदीर्घ आजाराने त्यांचं निधन झाल्याचं बोललं जात आहे.

मर्लिन एक यशस्वी व्यावसायिक महिला

मर्लिन या शेवटपर्यंत मुंबईत राहत होत्या. मर्लिन यांची मुलगी आणि बॉबी देओलची बायको तान्या आहुजा ही करोडपती बँकर दिवंगत देवेंद्र आहुजा यांची मुलगी आहे. मर्लिन आहुजा या देखील एक व्यावसायिक महिला होत्या.

मर्लिन यांच्या पश्चात मुलगी तान्या आहुजा आहेच याशिवाय त्यांना विक्रम आहुजा आणि मुनिषा आहुजा ही दोन मुलंही आहेत