सध्या 'झी मराठी' वाहिनीवर सुरु असलेली टीआरपी जास्त असणारी मालिका म्हणून 'माझी तुझी रेशीमगाठ' या मालिकेकडं पाहिलं जातं. याचं क्रेडिट जातं ते स्टार अभिनेता श्रेयस तळपदे,गोड दिसणारी प्रार्थना बेहरे(Prarthana Behere) आणि चिमुकल्या परीची भूमिका साकारणाऱ्या मायराला. या मालिकेतील प्रार्थना आणि मायरा म्हणजेच नेहा आणि परी या दोघीही सोशल मीडियावर सर्वात अधिक सक्रिय असतात. परी म्हणजे मायरा तर मूळची यूट्युबर म्हणून प्रसिद्ध. पण आता प्रार्थना बेहरे मात्र बाजी मारण्याच्या विचारात दिसतेय. सध्या 'न्यू मी' या टॅगखाली ती जे काही नवनवीन फोटो आणि व्हिडीओ सोशल मीडियावर पोस्ट करतेय त्यानं तिच्या फॅन फॉलॉइंगची लिस्ट मात्र वाढताना दिसतेय.

'माझी तुझी रेशीमगाठ' मधील साधी-सोज्वळ दिसणारी नेहा प्रेक्षकांना आवडतेच आहे,पण मॉर्डन ड्रेसमधील प्रार्थनाला देखील तितकंच पसंत केलं जाताना दिसत आहे. प्रार्थनाची एक व्हिडीओ रील सध्या सोशल मीडियावर व्हायरल झाली आहे, ज्यात तिनं गुलाबी रंगाचा शॉर्ट ड्रेस घातला आहे. ज्यात ती खूपच हॉट दिसत आहे. पण या ड्रेसमध्ये लक्ष वेधून घेतलं आहे ते तिच्या ड्रेसवर लिहिलेल्या 'बार्बी' या नावानं.

ती या व्हिडीओ रीलमध्ये मस्त डान्स करताना दिसत आहे. तिच्या या व्हिडीओवर चाहत्यांनीही खूश होऊन भरभरून प्रतिक्रिया दिल्या आहेत. पण कुणीतरी एकानं मुद्दाम खोडी काढत म्हटलंय कसं,''बार्बीचा रेनकोट घातलाय का?'' काहीही म्हणा,पण प्रार्थना बेहरेची बातच और आहे. सध्या मालिकेतही यश-नेहाच्या प्रेमाचा ट्रॅक सुरु होण्याच्या दिशेनं प्रवास होतोय. सध्या मालिकेत आलेल्या परदेशी बाला मुळे भलतीच धम्माल येतेय. नेहा आता यशसमोर आपलं प्रेम व्यक्त करणार आहे. कदाचित या महत्त्वाच्या ट्रॅकसाठी तर नेहानं म्हणजे प्रार्थनानं हा पेहराव तर नाही केला नं. म्हणजे यशच्या त्या परदेशी मैत्रिणीसमोर उठून दिसण्यासाठी नेहानं हा ड्रेस मालिकेत घातला नाहीनं अशीही चर्चा होऊ लागलीय. असो 'बार्बी डॉल' मात्र आवडली राव सगळ्यांना.