Merry Christmas Trailer: अवघ्या काहीच दिवसांमध्ये नाताळचा सण प्रेक्षकांच्या भेटीला येणार आहे. नाताळ अर्थात ख्रिसमसची सर्वांना उत्सुकता असते. अशातच ख्रिसमसच्या पार्श्वभूमीवर आगळीवेगळी कथा असलेल्या सिनेमाचा ट्रेलर प्रेक्षकांच्या भेटीला आलाय. त्याचं नाव मेरी 'ख्रिसमस'.

विजय सेथुपती - कतरिना कैफ स्टारर 'मेरी ख्रिसमस' सिनेमाचा ट्रेलर भेटीला आलाय. एका रात्रीची रहस्यमयी कहाणी या ट्रेलरमधून पाहायला मिळतेय.

कतरिना कैफ आणि विजय सेतुपती स्टारर MERRY CHRISTMAS हिंदी आणि तमिळ या दोन्ही भाषांमध्ये प्रेक्षकांच्या भेटीला येणार आहे. सिनेमाच्या हिंदी आवृत्तीमध्ये संजय कपूर, विनय पाठक, प्रतिमा कन्नन आणि टिन्नू आनंद यांसारख्या कलाकार झळकणार आहेत. तर तमिळ आवृत्तीमध्ये राधिका सरथकुमार, षणमुगराजा, काविन जय बाबू आणि राजेश विल्यम्स हे दिग्गज कलाकार आहेत. राधिका आपटे आणि अश्विनी काळसेकर यांचा दोन्ही आवृत्त्यांमध्ये खास कॅमिओ आहेत.

वरुण ग्रोव्हर लिखित प्रीतमने संगीतबद्ध केलेली गाणी लवकरच प्रेक्षकांच्या भेटीला येतील. अंंधाधून या ब्लॉकबस्टर सिनेमाचे दिग्दर्शक श्रीराम राघवन यांनी मेरी ख्रिसमसचे दिग्दर्शन केलंय.

एका रात्रीत घडणाऱ्या रहस्यमयी घटनांची मालिका मेरी ख्रिसमसमध्ये बघायला मिळणार आहे. सिनेमाच्या ट्रेलरला अल्पावधीत प्रेक्षकांचं प्रेम मिळालंय.

रमेश तौरानी, संजय रौत्रे, जया तौरानी आणि केवल गर्ग निर्मित आणि श्रीराम राघवन दिग्दर्शित, ‘मेरी ख्रिसमस’ हा टिप्स फिल्म्स आणि मॅचबॉक्स पिक्चर्स यांच्यातील पहिला सहयोग आहे. ॉ

उच्च-गुणवत्तेचे मनोरंजन देण्याच्या त्यांच्या वचनबद्धतेसह, प्रेक्षक चित्रपटांमध्ये खरोखरच आकर्षक राइडची अपेक्षा करू शकतात.