मुंबई- प्रसिद्ध गायक मिका सिंहने कंगानावर निशाणा साधल्यापासून चर्चेत आहे. सोशल मिडियावर मिका सिंह सध्या खूप ऍक्टीव्ह आहे. त्याने 'सयोनी' या सिनेमासाठी एक 'पप्पी गाणं' गायलं आहे. त्याचं म्हणणं आहे की तो मोठ्या पडद्यावर रोमँटिक ऍक्शन सिनेमात हे गाणं पाहण्यासाठी उत्सुक आहे. 

हे ही वाचा: सलमान खानने सुरु केली अंतिम: द फायनल ट्रुथची शूटींग, 'या' प्रसिद्ध मराठी सिनेमाचा आहे रिमेक  

मिका सिंहने या गाण्याबाबत सांगण्याआधी लॉकडाऊनमध्ये निर्माण झालेल्या अडचणींबद्दल खुलासा केला आहे. त्याने सांगितलं की गेल्या ८ महिन्यांपासून त्याला कोणतही काम मिळालं नव्हतं. मला माहित आहे की माझ्यासारखे बरेच लोक असतील. मात्र मला ही देखील खात्री आहे की सगळं लवकरंच ठीक होईल. त्याने सांगितलं की या गाण्यासाठी सिनेमाच्या निर्मात्यांनी माझ्याशी संपर्क केला तेव्हा सुरुवातीला मला हे जास्त पसंत पडलं नाही. मात्र जेव्हा मी हे गाणं तीन ते चार वेळा गुणगुणलं तेव्हा मला हे खूप मजेशीर वाटलं. यामध्ये काही द्विअर्थी शब्द देखील आहेत.

हे नवीन गाणं संगीतकार अनंत आणि अमनद्वारे रचलेलं आहे. मिका सिंहने सांगितलं की मला वाटतं एकुणच गाण्याला अतिशय छानप्रकारे शूट केलं गेले आहे. या सिनेमात तन्मय सिंह, मुसकान सेठी, राहुल रॉय, योगराज सिंह, उपासना सिंह मुख्य भूमिकेत आहेत. या गाण्यात नितीन कुमार गुप्ता आणि अभय सिंघल यांनी अभिनीत केलं आहे.   

mika singh says i did not found work over last 8 months