milind soman
milind soman 
मनोरंजन

मिलिंद सोमणचा निश्चय! लवकरच करणार प्लाझ्मा डोनेट

शर्वरी जोशी

गेल्या वर्षभरापासून थैमान घातलेल्या कोरोना विषाणूचा फटका आजवर अनेक देशांना बसला आहे. याला भारतदेखील अपवाद नाही. आतापर्यंत सामान्यांपासून दिग्गजांपर्यंत अनेकांना कोरोनाची लागण झाली आहे. यात अनेक बऱ्याच सेलिब्रिटींनादेखील कोरोना झाल्याचं पाहायला मिळालं. बॉलिवूडचा फिटनेस फ्रिक अभिनेता मिलिंद सोमण यालादेखील कोरोनाची लागण झाल्याचं पाहायला मिळालं. परंतु. मिलिंदने या विषाणूवर मात केली असून आता तो प्लाझ्मा डोनेट करण्यासाठी सज्ज झाल्याचं पाहायला मिळत आहे. मिलिंदने सोशल मीडियावर पोस्ट शेअर आता प्लाझ्मा दान करण्यास तयार असल्याचं म्हटलं आहे.

फिटनेसकडे विशेष लक्ष देणारा मिलिंद सोशल मीडियावरही तितकाच अॅक्टीव्ह असतो. गेल्या काही काळापासून तो इन्स्टाग्रामच्या माध्यमातून चाहत्यांच्या संपर्कात आहे. विशेष म्हणजे त्याला कोरोना झाल्यानंतर याविषयी त्याने इन्स्टाग्रामच्या माध्यमातून चाहत्यांना सांगितलं होतं. त्यानंतर आता त्याने यशस्वीरित्या कोरोनावर मात केली असून १० दिवसांनंतर तो गरजुंना प्लाझ्मा देण्यास सज्ज होईल असं सांगितलं आहेत. एक व्हिडीओ शेअर करत त्याने ही माहिती दिली.

मिलिंदने इन्स्टाग्रामवर वर्क आऊट करतांनाचा एक व्हिडीओ शेअर केला आहे. या व्हिडीओमध्ये त्याच्या चेहऱ्यावर उत्साह दिसून येत आहे. "आता मी पूर्णपणे बरा झालोय असं मला वाटतंय. त्यामुळे पुढील १० दिवसांमध्ये मी प्लाझ्मा डोनेट करण्यासाठी पूर्णपणे तयार असेन. कोरोनावर मात केलेल्या लोकांच्या रक्तातील प्लाझ्यामुळे अन्य गरजु रुग्णांचे प्राण वाचवण्यास मदत होऊ शकते. त्यामुळे शांतपणे जे शक्य असेल ते करा. स्वत:ची काळजी घ्या", असं कॅप्शन मिलिंदने या पोस्टला दिलं आहे.

दरम्यान, आतापर्यंत अनेक सेलिब्रिटींना कोरोनाची लागण झाल्याचं पाहायला मिळालं. विशेष म्हणजे कोरोनावर मात केलेले व अन्य कलाकारही गरजु रुग्णांची मदत करत आहेत. यामध्येच लोकप्रिय गायिका लता मंगेशकर यांनीही मुख्यमंत्री मदतनिधीमध्ये ७ लाख रुपयांची मदत केली. तर, अभिनेता वरुण धवनने ३९०० ऑक्सिजन कंसंट्रेटर देशासाठी आयात केले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pat Cummins SRH vs RR : डेथ ओव्हरमध्ये कमिन्सचा टेरर! रजवाड्यांची कडवी झुंज मोडून काढत हैदराबादचा नवाबी थाटात विजय

Sharad Pawar on Baramati: बारामती लोकसभेचा निकाल कसा दिसतो? शरद पवार म्हणतात, आजपर्यंत...

Hemant Savara: पालघरचा तिढा अखेर सुटला! हेमंत सावरांना महायुतीकडून उमेदवारी जाहीर

SRH vs RR IPL 2024 : शेवटच्या चेंडूवर भूवीने हैदराबादला मिळवून दिला विजय

Udayanraje Bhosale : साताऱ्यातून उमेदवारी जाहीर करायला भाजपला इतका वेळ का लागला? उदयनराजे भोसलेंनी स्पष्टच सांगितलं; पाहा Exclusive Interview

SCROLL FOR NEXT