Upcoming Popular Web Series:  गेल्या दोन-तीन वर्षात भारतात ओटीटी प्लॅटफॉर्म्सची लोकप्रियता मोठ्या प्रमाणात वाढली आहे. चित्रपटांपेक्षा घरी बसल्या बसल्या नवनवीन सिरिज पाहण्यासाठी चाहते उत्सुक असतात. अशातच गेल्या काही दिवसांपासून काही वेब सिरिजची चाहते मोठ्या उत्सुकतेने प्रतिक्षा करत आहेत. यात एक म्हणजे 'मिर्झापूर 3' आणि पंचायत 3.

मिर्झापूर वेब सिरीजच्या दोन्ही भागांना प्रेक्षकांनी भरभरून प्रेम दिले आहे. या दोन भागांनंतर आता प्रेक्षक तिसर्‍या भागाची वाट पाहत आहेत. तर दुसरीकडे पंचायत 3ची देखील तितकीच प्रतिक्षा प्रेक्षकांना लागली आहे.

या दोन्ही सिरिजची रिलीज डेट अद्याप जाहीर करण्यात आलेली नाही. मात्र आता लवकरच या दोन्ही सिरिज रिलिज होण्यासाठी सज्ज असल्याचा दावा मीडिया रिपोर्ट्समध्ये करण्यात आला आहे.

पंचायत 3 कधी रिलिज होणार?

पंचायत आणि पंचायत 2 या सिरिज खुपच गाजल्या. त्यानंतर नीना गुप्ता यांनी एका मुलाखतीत पंचायत 3 याबद्दल खुलासा केला होता. नीना गुप्ता म्हणाल्या होत्या की, या मालिकेचे अजून शूटिंग थोडे बाकी आहे. ऑक्टोबरमध्ये हे काम पूर्ण होईल आणि त्यानंतर पोस्ट प्रोडक्शनचे काम सुरू करण्यात येईल. त्यानंतर 2024 मध्ये पंचायत 3 रिलीज होणार आहे

मिर्झापूर ३ कधी येणार?

'मिर्झापूर' ही सर्वात लोकप्रिय सिरिज आहे ज्याचे दोन सिझन खुपच हिट ठरले आहेत. आता चाहते या सिरिजच्या तिसऱ्या सिझनची आतुरतेने वाट पाहत आहे. अशातच 'मिर्झापूर 3' या सिरिजबाबात अनेक नवनवे अपडेट येत आहे. कालीन भैया, गुड्डू पंडित, बीना भाभी यांची कहाणी मिर्झापूर 3 मध्ये पुढे दाखवण्यात येणार आहे.

या मालिकेचे शूटिंग आधीच पूर्ण झाले आहे. यात आता डबिंगनंतर पोस्ट प्रॉडक्शनचे काम सुरू आहे. ही मालिका जानेवारीत प्रदर्शित होऊ शकते असं या मालिकेत रॉबिनची भूमिका साकारणाऱ्या प्रियांशू पानुलीने एका मुलाखतीत सांगितले होते, दोन्ही लोकप्रिय मालिकांसाठी चाहते उत्सुक आहेत.