मुंबई : सोनाक्षी सिन्हा आणि अक्षय कुमार 'मिशन मंगल' चित्रपटाच्या निमित्ताने पुन्हा एकत्र आले असून ते आपल्या सहकलांकारांसोबत मौज-मस्ती करताना दिसत आहेत. असाच एक व्हिडिओ सध्या सोशल मीडियावर व्हायरल होत आहे. ज्यामध्ये सोनाक्षीने अक्षयला जोरदार पंच मारला असून अक्षय खुर्चीवरून खाली कोसळला आहे. त्यानंतर अक्षयची हालत पाहण्यासारखी झाली होती.

भारताच्या मंगळ मोहिमेची कथा दाखविणारा ‘मिशन मंगल’ हा अक्षय कुमार आणि सोनाक्षी सिन्हा यांचा चित्रपट उद्या म्हणजेच स्वातंत्र्यदिनी रिलीज होत आहे. या चित्रपटाचा काही दिवसापूर्वी धमाकेदार ट्रेलर प्रदर्शित झाला होता. त्यानंतर आता प्रेक्षकांची प्रतिक्षा संपणार असून उद्या हा चित्रपट प्रदर्शित होणार आहे.

दरम्यान, चित्रपटामध्ये अक्षयने राकेश धवन ही भूमिका साकारली असून तो या मोहिमेचे नेतृत्व करताना दिसत आहे. त्याच्याव्यतिरिक्त या टीम तारा शिंदे (विद्या बालन), कृतिका अग्रवाल (तापसी पन्नू), एका गांधी (सोनाक्षी सिन्हा), शर्मन जोशी (परमेश्वर नायडू), नेहा सिद्दिकी (कृति कुल्हारी) नजर हे कलाकार झळकणार आहेत.