Mission Raniganj Box Office Day 1: अक्षय कुमारच्या मिशन राणीगंज सिनेमाची सर्वांना उत्सुकता होती. अखेर हा सिनेमा ६ ऑक्टोबरला संपूर्ण भारतात रिलीज झालाय. सत्य घटनेवर आधारीत या सिनेमाची सर्वांना उत्सुकता होती.

पण अक्षय कुमारच्या सिनेमाची बॉक्स ऑफीसवर मात्र सुरुवाता तितकीशी चांगली नाही. लोकांनी अक्षयच्या सिनेमाकडे पाठ फिरवलेलं दिसतंय. जाणून घ्या मिशन राणीगंज सिनेमाचं पहिल्या दिवशीचं बॉक्स ऑफीस कलेक्शन.

(mission raniganj box office collection day 1)

मिशन राणीगंज बॉक्स ऑफीस कलेक्शन Day 1

मिशन राणीगंज सिनेमाबद्दल सर्वांना खूप अपेक्षा होत्या. समीक्षकांनी मिशन राणीगंजची वाहवा केलीय. पण प्रेक्षकांनी मात्र सिनेमाकडे पाठ फिरवलेली दिसतेय.

अक्षय कुमार, परिणीती चोप्राचा मिशन राणीगंज चित्रपट प्रेक्षकांना आकर्षित करण्यात अपयशी ठरला. आता 'मिशन राणीगंज'च्या रिलीजच्या पहिल्या दिवसाच्या कमाईचे सुरुवातीचे आकडे समोर आले आहेत.

SACNILC च्या सुरुवातीच्या ट्रेंड रिपोर्टनुसार, 'मिशन राणीगंज' ने पहिल्या दिवशी फक्त 2.8 कोटी रुपयांची कमाई केली आहे. पण सध्या सुरु असलेल्या विकेंडला मिशन राणीगंज अपेक्षेपेक्षा चांगली कमाई करण्याची शक्यता आहे.

काय आहे मिशन राणीगंज सिनेमाची कथा?

अक्षय कुमार आणि परिणीती चोप्रा यांच्या ‘मिशन राणीगंज’ ही खऱ्या आयुष्यातील नायक जसवंत गिलची कथा आहे. अक्षय कुमारने चित्रपटात जसवंत गिलची भूमिका साकारली आहे. हा चित्रपट पश्चिम बंगालमधील राणीगंज येथील कोळसा खाणीत 65 खाण कामगार अडकल्याच्या वास्तविक जीवनावर आधारित आहे. अक्षय कुमार अभिनीत पात्र जसवंत सिंग गिल सर्व 65 खाण कामगारांचे प्राण वाचवते. या घटनेनंतर जसवंत सिंग गिल हे 'कॅप्सूल गिल' म्हणून ओळखले जाऊ लागले.

मिशन राणीगंजची स्टारकास्ट

मिशन राणीगंज मध्ये तगड्या कलाकारांची स्टारकास्ट आहे. अक्षय कुमार, परिणीती चोप्रासह कुमुद मिश्रा, राजेश शर्मा, रवी किशन, पवन मल्होत्रा, अनंत महादेवन असे कलाकार आहेत.

 मिशन राणीगंज सिनेमाचा थरारक ट्रेलर सर्वांना आवडला. हा सिनेमा ६ ऑक्टोबरला संपूर्ण भारतात रिलीज झाला आहे. टिनू सुरेश देसाई यांनी सिनेमाचं दिग्दर्शन केलंय.